ពូឃ្លាំង ធ្វើបទចម្រៀងឲ្យ ម៉ារ៉ា ប៊ុណ្ណា

2016-10-19 16:32:21
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងក្នុងផលិតកម្ម Galaxy ម៉ារ៉ា ប៊ុណ្ណា បានប្រាប់ថា ឆាប់ៗខាងមុខនេះ លោកគ្រោងចេញបទចម្រៀងចំនូន២បទទៀត ដើម្បីវាយលុកទីផ្សារ ដោយក្នុងនោះមាន១បទ គឺជាស្នាដៃតែងនិពន្ធដោយ ពូឃ្លាំង។

បទចម្រៀង ដែល លោក ម៉ារ៉ា ប៊ុណ្ណា ត្រៀមចេញនោះមាន ទី១បទ "ប្រាប់គេទៅថាយើងបែកគ្នា” ដែលនិពន្ធដោយផលិតកម្ម និង ទី២ បទ "ផ្កាស្រពោនមាសរតី" និពន្ធឡើងដោយ ពូឃ្លាំង។

តារាចម្រៀងរូបនេះបានបញ្ជាក់ថា ដោយមានការរាប់អានគ្នាស្និទ្ធស្នាល ពូឃ្លាំងបាននិពន្ធបទចម្រៀងខាងលើឲ្យលោកច្រៀងយូរមកហើយ ប៉ុន្តែលោកមិនទាន់បញ្ចេញ ។ លោកថា បទ"ផ្កាស្រពោនមាសរតី" ជាបទចម្រៀងមនោសញ្ចេតនា ដែលរៀបរាប់ពីសេចក្ដីស្នេហាកម្សត់មួយគូ បច្ចុប្បន្នផលិតកម្ម កំពុងតែត្រៀមថត ដោយការថតនោះ មិនមែនតែថតជា CD នោះឡើយ ពោលគឺគ្រោងថតជាវីដេអូ ខារ៉ាអូខេតែម្ដង។

ចាប់តាំងពីចូលក្នុងផលិតកម្ម Galaxy ជិត១ឆ្នាំមក លោក ម៉ារ៉ា ប៊ុណ្ណា មានបទចម្រៀងចំនួន៤បទមកហើយ ក្នុងនោះមាន បទ"សង្សារស្រីខារ៉ាអូខេ" បទ" អនិច្ចាស្នេហាអ្នកប្រដាល់" បទ "ជ័យយោបាល់ទាត់កម្ពុជា" និងបទ "និទ្ទេសក្បត់លំដាប់A”។