Chevrolet Colorado ស៊េរី ០១៧ បំពាក់បច្ចេកវិទ្យាចង្កូតអេឡិចត្រូនិក

2016-10-20 20:18:14
ចំនួនមតិ 0 | ចំនួនចែករំលែក 0

ចន្លោះមិនឃើញ

"ចង្កូតអេឡិចត្រូនិក" ជាបច្ចេកវិទ្យាទំនើបចុងក្រោយដែលអាចធ្វើការគណនាកម្រិតល្បឿនរថយន្តស្វ័យប្រវត្តិ ក្នុងករណីបើកយឺត ចង្កូតធូរស្រួលបញ្ជា ករណីបើកលឿនចង្កូតនឹងតឹងតាមនោះ អាចជួយរក្សាស្ថេរភាពរថយន្តមិនឲ្យរេខ្លាំងពេលបើកលឿន និងផ្ដល់សុវត្ថិភាពខ្ពស់ដល់អ្នកបើកបរ។

លោក ប៉ែន ពិសិដ្ឋ ប្រធានគ្រប់គ្រងទូទៅក្រុមហ៊ុនយូណាយធីត អូតូ ត្រេឌីងជាក្រុមហ៊ុននាំចូលរថយន្ត Chevrolet បានឲ្យដឹងថា រថយន្ត Chevrole Colorado 2017 ជាប្រភេទរថយន្ត Pickup បួនកៅអីដែលមានកម្លាំងម៉ាស៊ីនខ្លាំងរហូតដល់ទៅ ១៨០ សេស ខណៈកម្លាំងម៉ាស៊ីនម៉ូឌែលមុនៗមានត្រឹមតែ ១៦៣ សេស អាចបើកបរគ្រប់ស្ថានភាពផ្លូវដោយគ្មានបញ្ហា។

រថយន្ត Colorado ស៊េរីឆ្នាំ ២០១៧ នេះផ្នែកខាងក្រោយអាចផ្ទុករបស់របរផ្សេងៗបាន រចនាឡើងយ៉ាងផ្ចិតផ្ចង់ ប្លែកពីម៉ូឌែលមុនៗ ដោយផ្លាស់ប្តូរផ្នែកខាងក្នុងនៃរថយន្តដូចជា កុងទ័រស្បែក កៅអីមុខ ក្រោយ មានបំពាក់បច្ចេកវិទ្យាលោតសញ្ញាប្រាប់ដំណឹង ឲ្យអ្នកធ្វើដំណើរប្រុងប្រយ័ត្នពេលអង្គុយនៅកៅអីក្រោយមិនបានពាក់ខ្សែក្រវ៉ាត់សុវត្ថិភាព មិនតែប៉ុណ្ណោះបានធ្វើការផ្លាស់ប្តូរផ្នែកខាងក្រៅដូចជា កាង ភ្លើងបំភ្លឺពេលយប់ ចំណែកភ្លៅកង់ទាំងបួនគ្រាប់ មានបំពាក់បច្ចេកវិទ្យាថ្លឹងទម្ងន់ និងសម្ពាធស្វ័យប្រវត្តិទំហំ ១៨ អុីញ។

រថយន្ត Chevrolet Colorado ស៊េរីឆ្នាំ ២០១៧ មានតម្លៃប្រហែល ៤៧០០០ ដុល្លារ៕