ដឹងអត់ ប្រចៀវនៅល្អាងភ្នំសំពៅ មានប៉ុន្មានក្បាល ហើយជាប្រភេទអ្វីដែរ?

2016-10-27 17:30:35
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅភ្នំសំពៅ ក្នុងខេត្តបាត់ដំបង មានល្អាងប្រចៀវមួយកន្លែងធំជាងគេ ដែលទាក់ទាញភ្ញៀវទេសចរជាតិនិងអន្តរមកមើលកម្សាន្ត នាពេលវេលាម៉ោង៥:៣០នាទីទៅម៉ោង៦ល្ងាច។

ប្រចៀវក្នុងល្អាងនេះដែរ ជាប្រភេទប្រចៀវជ្រួញបបូរមាត់ ដែលជាប្រភេទទើបតែរកឃើញនៅកម្ពុជាប៉ុណ្ណោះ។ បើតាមឯកសារនៅភ្នំសំពៅ បានសរសេរយ៉ាងច្បាស់ថា ក្នុងល្អាងមួយនេះដែរ មានប្រចៀវរហូតដល់ទៅជាង១លានក្បាលឯណោះ ពោលគឺនេះជាសំបុកធំជាងគេនៅកម្ពុជា។ ប្រភេទប្រចៀវជ្រួញបបូរមាត់នេះ នៅកម្ពុជាមាន១៣សំបុក ហើយសរុបទាំងអស់មានជាង៦លានក្បាល។

សត្វប្រចៀវប្រភេទនេះ អាចហើរបានរហូតដល់ទៅ៥០គីឡូម៉ែត្រឯណោះ ពីសំបុករបស់វាជារៀងរាល់យប់ ដើម្បីចាប់សត្វល្អិតជាអាហារ។ ដោយពពួកសត្វល្អិតទាំងនោះ រួមមានសត្វដែលបំផ្លាញទិន្នផលកសិកម្ម ដូចជាមមាចជាដើម។ ប្រចៀវជ្រួញបបូរមាត់នេះ មួយក្បាលអាចស៊ីចំណីពី៥០ទៅ១០០%នៃទម្ងន់របស់វា (១៥ក្រាម) ជារៀងរាល់យប់ ដូច្នេះហើយវាអាចការពារទិន្នផលស្រូវបានលើសពី២០០០តោន ក្នុង១ឆ្នាំឱ្យប្រជាកសិករនៅបាត់ដំបង។

ប្រិយមិត្តដែលចង់ទៅមើលប្រចៀវប្រភេទនេះ ចេញពីល្អាងរបស់វា អាចទៅរង់ចាំមើលបានចន្លោះពីម៉ោង៥:៣០នាទី ដល់ម៉ោង៦:០០នាទីល្ងាច៕