ហៃ ដារ៉ូ ក្លាយជាបុរសពោះម៉ាយ តស៊ូចិញ្ចឹមកូនស្រីក្នុងវិថីសិល្បៈ

2016-10-28 21:55:46
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាកំប្លែងនិយមត្រាប់សំឡេងទិនហ្វី ហៃ ដារ៉ូ បានក្លាយជាបុរសពោះម៉ាយ រស់នៅពីរនាក់កូនស្រីអាយុ៨ខែ ខណៈលោកនិងប្រពន្ធបានលែងលះគ្នាប្រមាណជាង១ខែមកហើយ ក្រោយរៀបការបានជាង១ឆ្នាំមកនេះ។

ហៃ ដារ៉ូ សុំមិនរៀបរាប់ច្រើនរឿងរ៉ាវលែងលះគ្នាជាមួយប្រពន្ធ តែអារម្មណ៍គេនៅស្រលាញ់នាង គ្រាន់តែមិនអាចរួមរស់ជាមួយគ្នាតទៀតបាន។

“ខ្ញុំ និងគាត់(ប្រពន្ធ) មិនមានបញ្ហាអ្វីជាមួយគ្នាធំដុំឡើយ ប៉ុន្តែយើងទាំងពីរមិនអាចរស់នៅជាមួយគ្នាតទៀតបានទេ ព្រោះខ្ញុំមិនអាចបោះបង់ចោលសិល្បៈ ហើយគាត់ក៏មិនអាចរស់នៅជាមួយខ្ញុំនៅភ្នំពេញនេះបានទៀត រឿងរ៉ាវសំខាន់មានតែប៉ុណ្ណឹងឯង"។

យ៉ាងណាក៏ដោយតារាមានស្រុកកំណើតមកពីខេត្តព្រៃវែងរូបនេះ ថាលោកលែងចង់គិតគូររឿងស្នេហាទៀតឡើយ សំខាន់ពេលនេះលោកត្រូវធ្វើយ៉ាងណា ដើម្បីមានមុខមាត់ក្នុងវិថីសិល្បៈសាជាថ្មី និងចង់ឲ្យកូនស្រីមានអនាគត៕

អត្ថបទ៖ ថា ម៉ាលីដា