Rambo៖ "Pacquiao ជាកីឡាករប្រដាល់ល្អជាងគេ រយៈពេល៧០ឆ្នាំចុងក្រោយនេះ"

2016-10-31 17:07:49
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាសម្ដែងហូលីវូដ Sylvester Stallone ដែលគ្រប់គ្នាស្គាល់តាមរយៈតួ Ramboនិងអ្នកប្រដាល់ Rocky កាលពីជាង៣០មុន បានលើកសរសើរអ្នកប្រដាល់ហ្វីលីពីន Manny Pacquiao ថាជាកីឡាករល្អប្រដាល់ជាងគេ។

តារាសម្ដែងវ័យ៧០ឆ្នាំបានចំណាយពេលទៅមើលមិត្តភ័ក្ដិខ្លួន Manny Pacquiao ហាត់សមជាមួយកីឡាករ Ray Beltran កាលពីពេលថ្មីៗនេះនៅទីហ្វឹកហាត់ Wildcard Gym នៅ Hollywood ដើម្បីត្រៀមខ្លួនវាយជាមួយកីឡាករ Jessie Vargas នៅថ្ងៃទី ៥ ខែ វិច្ឆិកា នេះ។

Sylvester ពេញចិត្តចំពោះការគ្រប់គ្រងលើដៃគួរបស់កីឡាកររហស្សនាម Pacman និងបាននិយាយថា៖" គេ(Pacquiao) ជាកីឡាករប្រដាល់ល្អជាងគេក្នុងរយៈពេល៦០ទៅ៧០ឆ្នាំចុងក្រោយនេះ និងល្អជាងតួ Rocky Balboa ដែលខ្ញុំសម្ដែងទៀត"។ នេះជាការវិលត្រលប់មកសង្វៀនសាជាថ្មីរបស់កីឡាករ Pacquiao បន្ទាប់ពីប្រកាសចូលនិវត្តន៍កាលពីខែ មេសា ឆ្នាំ ២០១៦ ក្រោយប្រកួតចុងក្រោយឈ្នះកីឡាករ Timothy Bradley ៕