អេលី ហែលឆ្លងគ្រប់​សព្វ មុន​ក្លាយជា​តារា​ចម្រៀង​​

  • 2016-11-03 20:25:17
  • ចំនួនមតិ 0 | ចំនួនចែករំលែក 0

ចន្លោះមិនឃើញ

តារា​ចម្រៀង​ពន្លក​ថ្មី​នៅ​ក្នុង​ផលិតកម្ម​បុត្រា កញ្ញា អេលី បាន​រៀប​រាប់​ទុក្ខ​លំបាក​ប្រាប់​ Sabay ថាមុន​ពេល​ក្លាយ​ជា​តារា​ចម្រៀង​មាន​ផលិត​កម្ម​ជ្រក ​រូប​នាង​​ដើរ​ច្រៀង​តាម​រោង​ការត្រុកៗ ម្នាក់​ឯង​​​ដើម្បី​សន្សំ​ប្រាក់​មក​ព្យាបាល​ជំងឺ​ឪពុក​។

 

 

“ច៎ាស​មុន​ពេល​​ខ្ញុំ​មាន​ផលិតកម្ម​ជ្រកដូច​សព្វថ្ងៃ​​ ​ជីវិត​ខ្ញុំ​លំបាក​ណាស់​បង​ត្រូវ​ដើរ​ទៅ​ច្រៀងនៅ​តាម​រោង​ការ​ដើម្បី​យក​លុយ​មក​ព្យាបាល​ជំងឺ​ឪពុក​​ រកពេល​សម្រាក​​មិន​មាន​ទេ​បង​ ទោះ​បី​ជា​រូប​ខ្ញុំ​ខំរក​លុយ​មក​ព្យាបាល​ជំងឺ​ឪពុក​ក្តី តែ​ចុង​ក្រោយ​គាត់​នៅ​តែ​ទៅ​ចោល​ខ្ញុំ​ដដែល​ទុក្ខ​ឲ្យ​ខ្ញុំ​នៅ​ជា​មួយ​អ្នក​ម្តាយ​" ។ អេលី ថ្លែង។

 

អេលី បាន​បន្ថែម​ថា​ ទោះ​បី​ជា​ជួប​ការ​លំបាក​ក្តី​តែនាង​មិន​ដែល​ចុះ​ចាញ់​ឡើយ ​គឺ​ប្រឹង​ប្រែង​តស៊ូ​រក​ប្រាក់​ចិញ្ចឹម​គ្រួសារ​​ រហូតវិវត្តន៍​ខ្លួន​ក្លាយ​ជា​តារា​ចម្រៀង​ម្នាក់​នៅ​ផលិតកម្ម​បុត្រា ក្រោយ​មក​ទៀត​មាន​បទ​ចម្រៀង​​ចេញ​ជា​បន្ត​បន្ទាប់​នៅ​ក្នុង​ផលិតកម្ម​មួយ​នេះ។​

 

 

តារា​ចម្រៀង​វ័យ​២៣​ឆ្នាំ​រូប​នេះប​ន្តថា​​"ច៎ាស​បង​ក្រោយ​ពី​ចូល​ច្រៀង​នៅ​ផលិតកម្ម​បុត្រាខ្ញុំ​មាន​បទ​ចម្រៀង​ពី​រ​បទ​ដែល​ទទួល​បាន​ការ​គាំ​ទ្រ​ពី​ទស្សនិកជន​គឺ​បទ​ "ស្រឡាញ់​អូន​មួយ​រយៈ​រួច​ត្រឡប់​ទៅស្រឡាញ់​គេវិញ" និង​​បទ ​"យើង​អស់​ពេល​ផ្អែម​ល្ហែម​ហើយ​" បកស្រាយ​រួម​គ្នា​ជាមួយតារា​ចម្រៀង​ មាស គិរីបណ្ឌិត"។

 

ក្រៅ​ពី​បទ​ចម្រៀង​ទាំង​ពីរ​​ខាង​លើ តារា​មាន​ស្រុកកំណើត​នៅ​ទី​ក្រុង​ភ្នំពេញ​រូប​នេះ​ ប្រាប់​ថា​ផលិតកម្ម​កំពុង​តែ​ត្រៀម​បទ​ចម្រៀង​ Original Song ថែម​ទៀត​សម្រាប់​នាង ដែល​នឹង​មាន​ចេញ​ក្នុង​ពេល​ឆាប់ៗ​ខាង​មុខ​នេះ​៕

 

អត្ថបទ៖ ឆុង ស៊ីណាន

រូបថត៖ផ្តល់ដោយ Eli ​​