ស៊ុំ សុម៉ាលី ប្រកាសយកកូន ផ្គាប់ចិត្តប្ដី

2016-11-07 18:41:12
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង ស៊ុំ សុម៉ាលី ដែលរៀបការជាមួយស្វាមី អ្នកលក់បាយឆាជាង២ឆ្នាំមកហើយនោះ មិនទាន់ទទួលបានកូនជាចំណងដៃនៅឡើយទេ តែយប់មិញនេះក្នុងឱកាសចេញខែកូនស្រី ភិន សុដាលីស នាងប្រកាសថា នឹងយកកូនឲ្យបានឆាប់ៗ ដើម្បីផ្គាប់ចិត្តប្ដី។

តួស្រីក្នុងរឿង "អ្នកនាងម្ចាស់ឡឺកឺ" ប្រាប់ថា តាំងពីរៀបការមកនាងនិងប្ដីចែកគ្នារកស៊ី ដោយប្ដីនៅបន្តលក់បាយឆានៅមុខរោងកុនអង្គរដដែល ចំណែកនាង រកស៊ីលក់ អីវ៉ាន់ គ្រឿងសម្អាង តាមអនឡាញ ហើយក្រោយទំនេរ ជារឿយៗនាងតែទៅជួយការងារប្ដីជានិច្ច ជាពិសេសថ្ងៃសៅរ៍ អាទិត្យ។

ទោះបីជាមមាញឹករកស៊ី ហើយមិនទាន់មានកូនបែបនេះក្ដី ស៊ុំ សុម៉ាលី ប្រាប់ថា ក្រុមគ្រួសារនាងនៅតែរក្សាភាពកក់ក្ដៅជាមួយគ្នាដដែល មិនមានអ្វីប្រែប្រួលឡើយ។

មូលហេតុដែលនាំឲ្យនាង មិនទាន់សម្រេចយកកូនភ្លាមៗ ព្រោះតែចង់រកស៊ីឲ្យមានទ្រព្យសល់បានខ្លះ គួបផ្សំសុខភាពរបស់នាងមិនអំណោយផលក៏ចេះតែអូសបន្លាយទៅ ព្រោះកើតគីសលើដៃស្បូន ទើបនឹងវះកាត់រួច។ តារាស្រីរូបនេះបានបន្តថា ពេទ្យបានប្រាប់ថា អាចយកកូនបានហើយមិនមានផលប៉ះពាល់អ្វីទៀតនោះទេ ហើយរាល់ថ្ងៃនាងក៏ដូចជាស្វាមីចង់តែកូនមកឆាប់ៗនេះ ទោះបីជាកូនប្រុសឬស្រីក៏ដោយ៕

សូមស្ដាប់ វីដេអូស្ដីពីការពន្យល់ របស់ អ្នកនាង ស៊ុំ សុម៉ាលី ជុំវិញរឿងរ៉ាវខាងលើ៖