សំបុត្រយន្តហោះទៅកាណាដា មិនត្រលប់វិញ កើនអ្នករកទិញ ១០០០ភាគរយ ក្រោយ ដូណាល់ ត្រាំ ឈ្នះឆ្នោត

2016-11-10 07:30:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពេលដែល បេក្ខភាពប្រធានាធិបតីអាមេរិក លោក ដូណាល់ ត្រាំ បានឈ្នះឆ្នោត កាលពីម្សិលមិញមក ពលរដ្ឋអាមេរិកជាច្រើន នាំគ្នាដុតដៃដុតជើង ស្វែងរកផ្លូវចេញពីប្រទេស។

បើយោងតាមគេហទំព័រ ទីភ្នាក់ងារទេសចរណ៍អនឡាញ Cheapflights.com បានឲ្យដឹងថា ការស្វែងរកសំបុត្រយន្តហោះ ទៅកាណាដា មិនត្រលប់វិញ បានកើនឡើងដល់កម្រិតមួយ ដែលមិនធ្លាប់មានពីមុនមក។

គិតត្រឹមម៉ោង ៦ល្ងាច ថ្ងៃអង្គារ ទី០៨ (ថ្ងៃបោះឆ្នោតនៅអាមេរិក) ការសាកសួររកជើងហោះហើរ ធ្វើដំណើរឆ្ពោះទៅកាណាដា បានកើនឡើង ១៣៣ភាគរយ បើប្រៀបធៀបទៅនឹង រយៈពេល ៤ម៉ោងមុន ក្នុងថ្ងៃនោះ។

ជាមួយគ្នានេះ នៅចន្លោះពីម៉ោង ៦ល្ងាច និង កណ្ដាលអធ្រាត្រ ខណៈលទ្ធផលកាន់តែច្បាស់ថា លោក ដូណាល់ ត្រាំ នឹងទទួលបានជ័យជំនះ ចំនួនអ្នកសួររកបានកើនឡើង រហូតដល់ទៅ ៩០០ភាគរយ បើប្រៀបធៀបទៅនឹងចំនួនធម្មតា។

មិនតែប៉ុណ្ណោះ ស្របពេលដែលលោក ដូណាល់ ត្រាំ បានប្រកាសទទួលជ័យជម្នះ ការស្វែងរកជើងហោះហើរ ទៅកាណាដា ដោយមិនត្រលប់មកវិញ បានកើនឡើង ដល់ ១ ០០០ភាគរយ នៅចន្លោះកណ្ដាលអធ្រាត្រ និង ម៉ោង ៨ព្រឹក (ថ្ងៃបន្ទាប់ នៅអាមេរិក) បើប្រៀបធៀបទៅនឹង កំណត់ត្រានៃកម្រិតស្វែងរក ក្នុងអំឡុងពេលដូចគ្នា រយៈពេល៤សប្តាហ៍ កន្លងមកនេះ។

លើសពីនេះទៅទៀត ការស្វែងរកជើងហោះហើរ ឆ្ពោះទៅកាន់ ប្រទេសជប៉ុន ចក្រភពអង់គ្លេស នូវែលហ្សេឡង់ អាហ្វ្រិកខាងត្បូង និង អាល្លឺម៉ង់ ក៏បានកើនឡើងយ៉ាងហោចណាស់ ៥០០ ភាគរយ ផងដែរ កាលពីថ្ងៃអង្គារ៕

ចុចអាន៖ ពលរដ្ឋអាមេរិក ប្រុងចេញទៅកាណាដា ខណៈ ដូណាល់ ត្រាំ នាំមុខ លើលទ្ធផលបោះឆ្នោត

ប្រភព៖ Businessinsider ប្រែសម្រួល៖ សេង ឡុង

ពាក្យទាក់ទង

ព័ត៌មានសង្គមអន្តរជាតិ បោះឆ្នោតនៅអាមេរិក២០១៦

អត្ថបទពេញនិយម

អ្នកជំនាញ កំពុងសាកល្បងផ្គុំថ្មទៅតាមលំនាំដើម នៅប្រាសាទជម

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

គម្រោងប្រព័ន្ធធារាសាស្រ្តថ្មី២នេះ នឹងបម្រើដល់វិស័យកសិកម្មក្នុងខេត្តកំពង់ធំ យ៉ាងធំធេង

រវល់ជាមួយការងារប៉ុណ្ណាក៏ដោយ Taylor ឆ្លៀតពេលសាកថ្មជីវិតជាមួយមិត្តប្រុសយ៉ាងផ្អែមល្ហែម

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

Toyota ចាយលុយដល់ ១,៤ពាន់លានដុល្លារ ដើម្បីផលិតរថយន្តអគ្គិសនីកៅអី ៣ជួរ

អត្ថបទថ្មី

រដ្ឋលេខាធិការក្រសួងអប់រំ៖ អំពាវនាវដល់គ្រប់ផ្នែកពាក់ព័ន្ធឲ្យចែករំលែកព័ត៌មានពីការប្រកួតសិស្សឧត្ដមសិក្សា

លោកបណ្ឌិត អាំង សិរីពិសិដ្ឋ រំពឹងថ្ងៃណាមួយការលេងបាល់ទះខុសបច្ចេទេសនឹងត្រូវលុបបំបាត់ទាំងស្រុង

ដំណើរចេញពីបេះដូង៖ មិត្តហ្វូន និងកាកបាទក្រហមកម្ពុជា

ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ចុះទស្សនកិច្ចនៅរោងចក្រកែច្នៃផលិតផលអាហារ និងបំលែងសាច់មាន់ក្រុមហ៊ុន ស៊ី.ភី. ខេមបូឌា

BYD ចេញឡានភីកអាប់ Hybrid ថ្មី សាកភ្លើងក៏បាន ហើយមានការ៉ាអូខេទៀត

Ronaldo បានក្លាយជាអត្តពលិករកលុយច្រើនជាងគេលើលោកនៅឆ្នាំ២០២៤