Griezmann ថាខ្លួនអត់ស្អប់ Ronaldo ទេ មានតែគោរពថែម

2016-11-26 02:50:36
ចំនួនមតិ 0 | ចំនួនចែករំលែក 0

ចន្លោះមិនឃើញ

Antoine Griezmann បាននិយាយថាខ្លួនមិនបានស្អប់ Cristiano Ronaldo បន្តិចណានោះទេ មានតែសេចក្ដីគោរពថែម ព្រោះជាអ្នកលេងកីឡាដូចគ្នា។

Ronaldo កាលពីពេលកន្លងទៅនេះ បាននិយាយថា Griezmann ជាអ្នកប្រាប់គេផ្ទាល់អំឡុងពេលទៅជួបគ្នានៅ Miami ដោយគ្រានោះខ្សែប្រយុទ្ធជម្រើសជាតិបារាំងបង្ហើបថាខ្លួនស្អប់ Ronaldo ព្រោះជាអ្នកធ្វើឱ្យគេខកខានលើកពាន២ក្នុង១ឆ្នាំទាំង UEFA Champions League និង Euro 2016 ។

ឆ្លើយតបនឹងសារនេះដែរ ខ្សែប្រយុទ្ធរបស់ក្រុម Atletico Madrid បាននិយាយដូច្នេះវិញថា៖ “Ronaldo ធ្លាប់ជាអ្នកជិតខាងខ្ញុំ ហើយគាត់ជិះកាត់មុខផ្ទះខ្ញុំរាល់ថ្ងៃ។ យើងតែងតែស្វាគមន៍គ្នា ប៉ុន្តែក្រោយមកខ្ញុំបានរើផ្ទះចេញពីកន្លែងនោះ។ យើងពិតបានជួបគ្នានៅ Miami មែន ខ្ញុំទៅដើរលេងជាមួយដៃគូខ្ញុំ ហើយយើងជួបគ្នានៅកន្លែងញ៉ាំអី។ ខ្ញុំបាននិយាយថាទៅគាត់ ថាខ្ញុំស្អប់គាត់ណាស់ ព្រោះធ្វើឱ្យខ្ញុំអត់បានលើកពាន ប៉ុន្តែនោះជាការលេងសើចប៉ុណ្ណោះ ខ្ញុំគោរពគាត់ណាស់”។

ក្នុងឆ្នាំ២០១៦នេះដែរ Griezmann មានឱកាសលេងវគ្គផ្ដាច់ព្រ័ត្រ២ពានរង្វាន់ផ្សេងគ្នា ប៉ុន្តែមិនបានលើកពានទាំងពីរ ពោលគឺលេងឱ្យ AT Madrid ចាញ់ក្រុម Real Madrid នៅ Champions League និងលេងឱ្យជម្រើសជាតិបារាំង ចាញ់ក្រុមព័រទុយហ្គាល់នៅ Euro 2016 ៕

អត្ថបទ៖ មុន្នីរម្យ