៥ ជំហាន មុនអតិថិជនសម្រេចចិត្តទិញទំនិញ អ្នកធ្វើអាជីវកម្មគួរតែដឹង

2016-11-29 07:05:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ការធ្វើអាជីវកម្មមួយដើម្បីទទួលបានជោគជ័យ ទាមទារឱ្យអ្នកធ្វើអាជីវកម្មទាំងឡាយធ្វើការស្វែងយល់ពីឥរិយាបទរបស់អតិថិជនជាមុនសិន។ បើយោងទៅតាមសៀវភៅ Principle of Marketing មុនអតិថិជនសម្រេចចិត្តក្នុងការទិញទំនិញ ដើម្បីបំពេញនូវតម្រូវការឥតព្រំដែនរបស់ពួកគាត់ ជាទូទៅត្រូវឆ្លងកាត់ទាំង៥ជំហាននេះ៖

ជំហានទី១៖ កំណត់ពីតម្រូវការឱ្យបានច្បាស់លាស់

ដំណាក់កាលទីមួយនេះ គឺអតិថិជនបានកំណត់ពីតម្រូវការរបស់ខ្លួនយ៉ាងច្បាស់លាស់ ថាកំពុងត្រូវការអ្វី។ ដូចនេះគឺគាត់បានសិក្សាយ៉ាងហ្មត់ចត់ ទៅលើតម្រូវការតម្រូវការក្នុងជីវភាពប្រចាំថ្ងៃ គាត់កំពុងត្រូវការទំនិញអ្វីដែលជាអាទិភាពចាំបាច់បំផុតមិនអាចខ្វះបាន។ ឧទាហរណ៍ បច្ចុប្បន្នគាត់មិនទាន់មានម៉ូតូក្នុងការធ្វើដំណើរដូចនេះ តម្រូវការដ៏ចាំបាច់បំផុតសម្រាប់គាត់គឺម៉ូតូ។

ជំហានទី២៖ ប្រមូលព័ត៌មាន

បន្ទាប់ពីបានធ្វើការកំណត់នូវតម្រូវការយ៉ាងច្បាស់លាស់ ជំហានបន្ទាប់គឺអតិថិជន នឹងធ្វើការចុះស្រាវជ្រាវស្វែងរកព័ត៌មាន នៅតាមទីផ្សារ ថាតើផលិតផលនោះ មានប៉ុន្មានប្រភេទ ហើយផលិតផលណាដែល មានគុណភាពល្អ។ ដូចនេះអតិថិជនត្រូវការព័ត៌មានទាំងនេះដើម្បីងាយស្រួលក្នុងការសម្រេចចិត្តទិញ។

ជំហានទី៣៖ វិភាគលើព័ត៌មានដែលប្រមូលបាន

នៅក្នុងដំណាក់កាលនេះអតិថិជន នឹងប្រមូលរាល់ព័ត៌មានដែលទទួលបានយកមកធ្វើការវិភាគយ៉ាងល្អិតល្អន់ និងជ្រើសរើសយកជម្រើសតែមួយគត់ ដែលគាត់គិតថា ជាជម្រើសដ៏ល្អ ដែលរាប់បញ្ចូលទាំងគុណភាពនៃទំនិញ ផ្លាកសញ្ញា ការវេចខ្ចប់ និងលទ្ធភាពក្នុងការប្រើប្រាស់(រយៈពេលក្នុងការប្រើប្រាស់)។

ជំហានទី៤៖ ការសម្រេចចិត្តទិញ

នេះជាដំណាក់កាលដែលអតិថិជន ធ្វើការសម្រេចចិត្តក្នុងការទិញទំនិញនោះតែម្ដង បន្ទាប់ពីគាត់បានសិក្សាយ៉ាងច្បាស់លាស់ទៅលើតម្រូវការ ការប្រមូលព័ត៌មានបានត្រឹមត្រូវ ការវិភាគព័ត៌មានយ៉ាងច្បាស់លាស់។

ជំហានទី៥៖ ការផ្ដល់ព័ត៌មានត្រឡប់ទៅវិញបន្ទាប់ពីប្រើប្រាស់រួច

នេះគឺជា ដំណាក់កាលចុងក្រោយដែលអ្នកធ្វើអាជីវកម្មគួរតែដឹង ជាធម្មតាបន្ទាប់ពីគាត់បានប្រើប្រាស់រួចអតិថិជននឹងផ្ដល់ព័ត៌មានត្រឡប់មកវិញ មកដល់ក្រុមហ៊ុន ប្រសិនបើអតិថិជនពេញចិត្តចំពោះផលិតផលនោះគាត់នឹងបង្ហាញពីការគាំទ្រដល់ក្រុមហ៊ុន។ ប៉ុន្តែប្រសិនអតិថិជនមិនពេញចិត្តចំពោះផលិតផលនោះទេ គាត់នឹងផ្ដល់ជាមតិយោបល់មកដល់ម្ចាស់អាជីវកម្មនោះវិញ ហើយអ្នកធ្វើអាជីវកម្មត្រូវតែទទួលយកនូវមតិទាំងនោះ មកធ្វើការអភិវឌ្ឍ ទំនិញ និងសេវាកម្មនោះឱ្យល្អប្រសើរ៕

អត្ថបទ៖ ថោ ច័ន្ទឬទ្ធិ

ពាក្យទាក់ទង

សេដ្ឋកិច្ច

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

កម្មវិធី JCI Cambodia Leadership Academy លើកទី១០ បញ្ចប់ដោយជោគជ័យ ក្នុងការបណ្តុះ អ្នកដឹកនាំជំនាន់ក្រោយ

សេចក្តីថ្លែងការណ៍ផ្លូវការរបស់លោក Looi Kok Soon ស្តីពីការលាលែងពីតំណែងជានាយកប្រតិបត្តិមិនឯករាជ្យ និង ប្រធាននាយកប្រតិបត្តិពីធនាគារ ព្រីនស៍ ម.ក

អង្គការក្រៅរដ្ឋាភិបាលហុងកុង ជី អិច ហ្វោនដេសិន ចុះហត្ថលេខា MOU ជាមួយ CAIC ដើម្បីគាំទ្រការការពារជំងឺគ្រុនឈាម និងជំងឺឆ្លងបង្កដោយវ៉ិចទ័រផ្សេងៗ

ចូលរួមដោយសេរី៖ ក្រុមហ៊ុន Smart Axiata អបអរសមិទ្ធផលចីរភាពជាង 10 ឆ្នាំ ក្នុង ពិព័រណ៍សិល្បៈភពផែនដី ជាមួយ ReMade

វិទ្យាស្ថានបារាំង កម្ពុជា (IFC) និង ក្រុមហ៊ុនអូស៊ីអាយស៊ី (OCIC) បង្ហាញអ្នករចនាក្បាច់រាំជនជាតិបារាំង ដាលីឡា បេឡាហ្សា សម្រាប់ការស្នាក់នៅប្រកបដោយសិល្បៈប្លែក និងការសម្តែងរបាំសាធារណៈនៅកម្ពុជា

វត្តមានដ៏ខ្លាំងក្លាពីថ្នាក់ដឹកនាំធុរកិច្ចក្នុងស្រុក និងអន្តរជាតិ ចូលរួមនាយករដ្ឋមន្ត្រី សម្តេចមហាបរវរធិបតីហ៊ុន ម៉ាណែត ក្នុងពិធីសម្ពោធព្រលានយន្តហោះអន្តរជាតិតេជោ