លេចធ្លាយរូបរាង និងលក្ខណៈពិសេសមិនធម្មតា HTC 11

2016-12-11 07:33:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ទូរសព្ទស្មាតហ្វូន HTC 11 មិនទាន់ត្រូវបានបញ្ចេញ ប៉ុន្តែគេហាក់បីដូចជាដឹងច្បាស់ ពីលក្ខណៈពិសេសៗ នៃស្មាតហ្វូនម៉ូដែលថ្មីនេះបាត់ទៅហើយ។

គេហទំព័រទូរសព្ទដ៏ល្បី PhoneArena បានឲ្យដឹងថា HTC 11 អាចនឹងមានអេក្រង់ទំហំ ៥,៥អ៊ីញ ជាមួយនឹង Screen Resolution ទំហំ ១៤៤០ គុណនឹង ២៥៦០ ភិចស៊ែល។

មិនតែប៉ុណ្ណោះ ស្មាតហ្វូនម៉ូដែលថ្មីនេះ នឹងបំពាក់បន្ទះឈីប ប្រភេទ Snapdragon 835 និង CPU ប្រភេទ Octa-Core និង Adreno 540 GPU។ ជាមួយគ្នានេះដែរ RAM របស់វា អាចនឹងមានទំហំ ៨ GB និងមាន Memory ទំហំ ២៥៦ GB ដែលអនុញ្ញាតឲ្យអ្នកប្រើប្រាស់ Download និង Install កម្មវិធី ក៏ដូចជា ផ្ទុករូបថត និងវីដេអូ បានយ៉ាងច្រើនសន្ធឹកសន្ធាប់។

អ្វីដែលរឹតតែពិសេសទៅទៀតនោះ HTC 11 អាចនឹងបំពាក់កាមេរ៉ាភ្លោះ នៅខាងក្រោយ ទំហំ ១២មេហ្គាភិចស៊ែល និងកាមេរ៉ាមុខ ទំហំ ៨ មេហ្គាភិចស៊ែល ដែលអាចថតរូប Selfie និងវីដេអូ បានយ៉ាងច្បាស់។ ចំណែកឯថ្មវិញ វាអាចនឹងបំពាក់ថ្ម ប្រភេទ 3700mAh។

គួរបញ្ជាក់ថា HTC 11 ត្រូវបានគេរំពឹងថា នឹងចេញលក់ នៅក្នុងឆ្នាំ២០១៧ ខាងមុននេះ ដែលមានតម្លៃប្រហែល ៦៩១ដុល្លារ នៅចក្រភពអង់គ្លេស៕

ប្រភព៖ PhoneArena ប្រែសម្រួល៖ សេង ឡុង