ព្រោះតែជីវភាពខ្វះខាត វ៉ន វីវ៉ា សម្រេចរត់តាក់ស៊ីដើម្បីបានចំណូលបន្ថែម

2016-12-16 02:37:13
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ល្បីឈ្មោះ វ៉ន វីវ៉ា បានសម្រេចចូលខ្លួនរត់តាក់ស៊ីបានជិត ១សប្ដាហ៍ហើយ ដោយសារចំណូលធ្លាក់ចុះ ក្រោយមិនអាចឡើងសង្វៀនប្រកួតបាន។

កីឡាករ វ៉ន វីវ៉ា

ការចូលខ្លួនរត់តាក់ស៊ីជាមុខរបរថ្មីនេះ វីវ៉ា ចង់ឲ្យជីវភាពគ្រួសារធូរធារ ព្រោះខ្លួនមិនទាន់ប្រាកដពីអាជីពប្រដាល់។ របួសបាក់ដៃមិនទាន់ជាសះស្បើយ ១០០% ម្យ៉ាងការសម្រេចចិត្តនៅមិនទាន់ច្បាស់ថា បន្តអាជីពឈឺខ្លួនមួយនេះឬឈប់នោះទេ។

ម្ចាស់ខ្សែក្រវាត់ ISKA ពិភពលោករូបនេះបន្ថែមថា ការប្រកបរបរថ្មីហាក់មិនទាន់សមប្រកបនៅឡើយ។ ប៉ុន្តែលោកសង្ឃឹមថា នឹងអាចមានបងប្អូនអ្នកស្គាល់ទាំងអស់ជួយគាំទ្រផងដែរ។

កីឡាករ វ៉ន វីវ៉ា បានរងរបួសបាក់ដៃកាលប្រកួតជាមួយកីឡាករស៊ុយអ៊ែត Carl Pechsamangym កាលពីថ្ងៃទី២១ ខែមិថុនា ឆ្នាំ២០១៥៕

អត្ថបទ៖ ស្រី សុវណ្ណដារ៉ា