ដើមហេតុ រុន ស៊ីរ៉ា បែកគំនិតនិពន្ធបទចម្រៀង

2016-12-21 01:46:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើមហេតុ បែកគំនិតនិពន្ធបទចម្រៀង រ៉ុន ស៊ីរ៉ា ប្រាប់ថាដំបូងឡើយ នាងចាប់ផ្ដើមត្រឹមរៀនលេងហ្គីតាតែប៉ុណ្ណោះ លុះដល់ចេះចាំស្ទាត់ផ្នែកហ្គីតា ក៏ចាប់សរសេរបទសម្រាប់ច្រៀងខ្លួនឯងតែម្តង។

"ពីដំបូងឡើយគឺខ្ញុំចាប់ផ្ដើមពីការរៀន ហ្គីតា បន្ទាប់ពីចេះណោត ខ្ញុំក៏បែកគំនិតសរសេរបទចម្រៀងខ្លួនឯង និងសរសេរបានជាច្រើន" ស៊ីរ៉ា បញ្ជាក់ ។ នាងបន្តថា រាល់ពេលនាង មានរឿងអ្វីមួយ នាងតែងតែកត់ទុកក្នុងសៀវភៅ សម្រាប់និពន្ធជាចម្រៀង ព្រោះយល់ថា វាជារឿងដែលពិបាកណាស់ដែលទៅនិយាយប្រាប់ នរណាម្នាក់ឲ្យមកស្ដាប់រឿងក្នុងចិត្តរបស់យើង ហើយក៏មិនប្រាកដថាគេស្ដាប់ទៀត អីចឹងមានតែការបង្ហាញអារម្មណ៍តាមតន្ត្រី ប៉ុណ្ណោះ។

ស៊ីរ៉ា បញ្ជាក់ថា មូលហេតុដែលបទចម្រៀងនាងភាគច្រើនសុទ្ធតែជាបទមនោសញ្ចេតនាព្រោះ ការដែលតែងបទនីមួយៗគីអាស្រ័យទៅលើអារម្មណ៍របស់នាង ម្យ៉ាងទៀតនាងជាប្រភេទមនុស្សដែលស្រគត់ស្រគំទើបធ្វើឲ្យបទភាគច្រើនមានបែបបទទៅតាមនោះដែរ។

តោះ ស្ដាប់នាងរៀបរាប់ពីការនិពន្ធចម្រៀងរបស់ហ្មងទៅ!!!