សំណាង ឌីណា វ៉ៃជិត៧០ដង អត់ដែលបានជួបបរទេស

2016-12-30 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងដែលមិនសូវមានឈ្មោះល្បីដូចគេ សំណាង ឌីណា ប្រកួតបាន ៦៩ដង ឈ្នះ៦២ ចាញ់តែ ៧ដង គិតមកដល់ពេលនេះគេមិនធ្លាប់ប្រកួតជាមួយកីឡាករបរទេសរូបណាឡើយ ខណៈកីឡាករដទៃទើបតែប្រឡូកនោះទេតែមានឱកាសជួបជាមួយបរទេស។

អ្នកស្នងគុនខ្មែរវ័យក្មេង សំណាង ឌីណា បានលើកឡើងថាបើមើលទៅបទពិសោធន៍និងចំនួនប្រកួតគេគិតថាគួរណាស់អាចមានសមត្ថភាពគ្រប់គ្រាន់ដើម្បីឡើងប្រកួតជាមួយនិងកីឡាករបរទេសហើយ។ កីឡាករមកពីក្លឹបបាត់ដំបងពាយ័ព្យ រូបនេះពិតជាចង់ប្រកួតជាមួយកីឡាករបរទេសណាស់ជាពិសេសនោះជើងខ្លាំងមកពីប្រទេសជិតខាងដូចជាថៃតែម្ដង។

ម្ចាស់ពានរង្វាន់ទូរទស្សន៍បាយ័នជំនាន់ទី៤ កាលពីឆ្នាំ ២០១៥ ម្នាក់នេះក៏សំណូមពរដល់សហព័ន្ធប្រដាល់កម្ពុជាក៏ដូចជាបណ្ដាស្ថានីយទូរទស្សន៍ទាំងអស់ឲ្យជួយរៀបចំឲ្យខ្លួនបានប្រកួតជាកីឡាករបរទេសផង។

សំណាង ឌីណា ជាកូនសិស្សរបស់គ្រូ ជួន សំណាង មកពីក្លឹបប្រដាល់ បាត់ដំបងពាយ័ព្យ ដែលមានទីតាំងនៅព្រែកប្រា ខ័ណ្ឌ ច្បារអំពៅ។ កីឡាកររូបនេះទើបតែមានវ័យ ២១ឆ្នាំ ប៉ុណ្ណោះ៕