Toyota concept-i ឌីហ្សាញរាងស្រដៀងនឹងរថយន្តអង្គរខ្មែរ

2017-01-06 07:59:23
ចំនួនមតិ 0 | ចំនួនចែករំលែក 0

ចន្លោះមិនឃើញ

Toyota Concept_i ដែលជាអនាគតរថយន្តដ៏ទំនើបរបស់ក្រុមហ៊ុន Toyota បានបង្ហាញខ្លួនក្នុងពីពរណ៍បច្ចេកវិទ្យាអេឡិចត្រូនិកអន្តរជាតិឆ្នាំ ២០១៧ នៅរដ្ឋ Las Vegas សហរដ្ឋអាមេរិកកាលពីម្សិលមិញ។ ប៉ុន្តែអ្វីដែលគួរឲ្យភ្ញាក់ផ្អើលនោះគឺ បច្ចេកវិទ្យាទ្វារបើកឡើងលើរបស់រថយន្តទំនើបនេះ ស្រដៀងគ្នាទៅនឹងរថយន្តអង្គរខ្មែរដែលចេញតាំងពីឆ្នាំ ២០១៣ មក។

រថយន្តToyota Concept_i 2017 និងរថយន្តអង្គរ EV 2013

រថយន្តToyota Concept_i ដ៏ទំនើបនេះវិញ នៅមិនទាន់មានការបង្ហាញច្បាស់លាស់ពី Specs និងសមត្ថភាពយ៉ាងណានោះទេ ប៉ុន្តែវាមានបំពាក់មកជាមួយបច្ចេកវិទ្យាបញ្ជារថយន្តដោយខ្លួនឯង បំពាក់បច្ចេកវិទ្យាឆ្លាតវៃដូចជា Siri, Google voice,Cortana ជាដើម ដែលអាចទំនាក់ទំនងជាមួយម្ចាស់រថយន្តបាន។

បើក្រឡេកមើល Concept រូបរាងខាងក្រៅរថយន្តទំនើបនេះ ស្រដៀងគ្នាទៅនឹងរថយន្តអង្គរខ្មែរ ត្រង់ទ្វារបើកឡើងលើ ដែលជាស្នាដៃរចនាម៉ូដដ៏ល្អឥតខ្ចោះរបស់ លោក ញាន ផល្លឹក និងធ្លាប់ធ្វើឲ្យបណ្ដាញសារព័ត៌មានល្បីៗលើពិភពលោកភ្ញាក់ផ្អើល ថែមទាំងបានចុះផ្សាយព្រោងព្រាតកាលពីឆ្នាំ ២០១៣ ដូចជាបណ្ដាញសារព័ត៌មាន NHK របស់ជប៉ុន, CNN របស់អាមេរិក បណ្ដាញសារព័ត៌មាន AP, REUTERS និងសារព័ត៌មានក្នុងស្រុកជាច្រើនទៀតផង៕