រកឃើញជយលាភីភាពយន្តខ្លីប្រចាំឆ្នាំទាំង៣រូប

2017-01-08 03:43:41
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់មិញគឺជាការប្រកួតជុំចុងក្រោយនៃ "មហោស្រពភាពយន្តជាតិខ្នាតខ្លីលើកទី១" ដែលបានរកឃើញជើងខ្លាំង៣រូបក្នុងចំណោម១៨ផ្សេងទៀត។

មានភាពយន្តខ្លី៣ចំណងជើងត្រូវជ្រើសរើសជយលាភីដោយយោងទៅតាមការដាក់ពិន្ទុលើ ៦ ចំណុចគឺ បច្ចេកទេសថត សាច់រឿង ការដឹកនាំ សំឡេង ការកាត់ត និង ការសំដែង ហើយគោលដៅធំចម្បងគឺ ភាពយន្តនោះត្រូវមានពណ៌សម្បុរ និង រសជាតិជាលក្ខណៈខ្មែរ។ នេះបើតាមលោក ស៊ិន ច័ន្ទសាយ៉ា ។

ជ័យលាភីលេខ១បានទៅ រឿង "ទឹកក្រហម" ដឹកនាំដោយលោក លី ប៉ូឡែន មានរយៈពេល ១៤:៥៧ នាទី ឯលេខ២ បានទៅរឿង "២០ដុល្លារ" ដោយលោក សាង ច័ន្ទវិសាល មានរយៈពេល ១២:៤៩ នាទី និង រឿងទី៣ "សីលធម៌" ដោយលោក យឹម សុសត្យា ដែលមានរយៈពេលត្រឹមតែ ៥:២៨ នាទី ប៉ុណ្ណោះ។

គូរបញ្ជាក់ផងដែរថា ជយលាភីលេខ១ ទទួលបានពានមាសមួយ រួមនិងទឹកប្រាក់ចំនួន ៣០០០ដុល្លារ , លេខ២ ទទួលបានពានប្រាក់មួយ និងថវិកា ២០០០ដុល្លារ ហើយលេខ៣ ទទួលបានពានសំរិទ្ធ និង ទឹកប្រាក់១០០០ដុល្លារ៕