នឹកស្មានមិនដល់ "ផ្ទះសិល្បៈ" អ្នកគាំទ្រសុខចិត្តឈរមើលទាំងប្រជ្រៀតគ្នា
- 2017-01-16 04:27:04
- ចំនួនមតិ 0 | ចំនួនចែករំលែក 0
នឹកស្មានមិនដល់ "ផ្ទះសិល្បៈ" អ្នកគាំទ្រសុខចិត្តឈរមើលទាំងប្រជ្រៀតគ្នា
ចន្លោះមិនឃើញ
ម្សិលមិញកម្មវិធី "ផ្ទះសិល្បៈ " ទទួលបានការគាំទ្រច្រើននឹកស្មានមិនដល់ អ្នកខ្លះសុខចិត្តឈរមើលប្រជ្រៀតគ្នា និងនៅដល់ចប់កម្មវិធីទៀតផង។ នេះបើតាមលោក សយ ច័ន្ទបូរី សមាជិកយុវជនល្ខោនខោលកម្ពុជា។
លោក សយ ច័ន្ទបូរី ថ្លែងថា៖ "ឆ្នាំនេះមានការកើនឡើងភ្ញៀវគួរឲ្យកត់សម្គាល់ ជាពិសេសអ្នកគាំទ្រ ភាគច្រើនជាយុវវ័យចូលរួមទស្សនាពេញសាល មានខ្លះឈរ ខ្លះអង្គុយដើម្បីបានមើលល្ខោនខោល។ ម្យ៉ាងទៀតក្រុមយុវជនទាំងនោះបាននៅចាំមើលកម្មវិធីផ្សេងទៀតរហូតដល់ចប់នៅម៉ោង ៧ជាងទៀតផង"។
សមាជិកយុវជនល្ខោនខោលកម្ពុជាខាងលើបញ្ជាក់ថា ជោគជ័យឆ្នាំនេះទទួលបានដោយការរួមផ្សំ ពីការតាំងពិពណ៌ស្នាដៃនិស្សិត រួមជាមួយការប្រគំតន្ត្រីពីតារា Original Song និងការសម្ដែងសិល្បៈបុរាណជាពិសេសល្ខោនខោល។ កម្មវិធីនេះប្រព្រឹត្តទៅនៅសាលាមធ្យមវិចិត្រសិល្បៈ និង បើកឲ្យចូលរួមដោយសេរីក្នុងគោលបំណង ផ្សព្វផ្សាយសិល្បៈវប្បធម៌ និង ឲ្យប្រិយមិត្តស្គាល់ សាលាមធ្យមវិចិត្រសិល្បៈកាន់តែច្បាស់៕