ស្ងាត់ៗ ស៊ីម៉ាក់យកគ្រូថ្មី ធ្លាប់ដឹកនាំក្រុមនៅលីគកំពូលកម្ពុជា

2017-01-18 03:45:47
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ណែម សុភ័ណ្ឌ អតីតគ្រូបង្វឹកក្រុមបាល់ទាត់បៀលប្រាយយូណាយធិត ដែលធ្លាប់ដឹកនាំលេងនៅលីគកំពូលកម្ពុជាកាលពីឆ្នាំ២០១៥ បានយល់ព្រមចុះកុងត្រាជាមួយក្រុមបាល់ទាត់មជ្ឈមណ្ឌលកម្ចាត់មីនកម្ពុជា (ស៊ីម៉ាក់) ១រដូវកាល២០១៧។

ក្លឹបស៊ីម៉ាក់

បើតាមលោក កែវ សារិន គ្រូជំនួយក្លឹបស៊ីម៉ាក់យល់ឃើញថា ការបង្ហាត់របស់លោក ណែម សុភ័ណ្ឌ ពិតជាល្អ អាចបង្ហាត់បានយ៉ាងល្អរាល់ចំណុចខ្វះខាតដែលកីឡាករមិនទាន់មាន។ ក្រោមការបង្ហាត់របស់អតីតគ្រូបង្វឹកបៀលប្រាយយូណាយធិតរូបនេះ អាចជួយស៊ីម៉ាក់កាន់តែរឹងមាំខ្លាំងជាងរដូវកាលមុន។

ជាមួយគ្នានោះលោក ណែម សុភណ្ឌ ផ្ទាល់បានលើកឡើថា លោកចូលខ្លួនដឹកនាំស៊ីម៉ាក់ ព្រោះចិត្តស្រលាញ់វិស័យបាល់ទាត់។ លោកនឹងកែលំអរាល់ចំណុចខ្វះខាតរបស់ក្លឹបមួយនេះ ឲ្យក្លាយមកជាក្រុមមួយអាចប្រកួតប្រជែងជាមួយក្លឹបដទៃបាន និងមិនឲ្យធ្លាក់ទៅលេងនៅលីគទី២។

លោក ណែម សុភណ្ឌ បានដឹកនាំក្រុមបាល់ទាត់អាជីពក្នុងកំឡុងឆ្នាំ២០០៦ និងបានបញ្ចប់កម្រិតគ្រូបង្ហាត់បាល់ទាត់ B-license ផងដែរ។ កាលពីឆ្នាំ២០១៥ លោកជាគ្រូបង្គោលក្លឹបបៀលប្រាយយូណាយធិត ប៉ុន្តែក្រោយក្លឹបមួយនេះរំសាយចុងឆ្នាំ២០១៥ លោកបានសម្រាកមួយរយៈ៕