គួរដឹង! ៧ចំណុចជួយទាញប្រយោជន៍ពីការផឹកកាហ្វេចំពោះសុខភាព

2017-01-20 02:24:39
ចំនួនមតិ 0 | ចំនួនចែករំលែក 0

ចន្លោះមិនឃើញ

កាហ្វេជាភេសជ្ជៈសំណព្វចិត្តអ្នកមែនទេ? ក្រៅពីរសជាតិឆ្ងាញ់ តើអ្នកដឹងអ្វីខ្លះទៀតពីវា? ឥឡូវសាកមកមើលចំណុចមួយចំនួនខាងក្រោមនេះ ដែលអ្នកអាចអនុវត្តបានដើម្បីទាញប្រយោជន៍កាន់តែច្រើនពីកាហ្វេដែលអ្នកចូលចិត្តផឹកស្ទើររាល់ថ្ងៃ។

១. ត្រូវយល់ច្បាស់ពីឥទ្ធិពលកាហ្វេពេលចូលដល់ក្នុងខ្លួនអ្នក

ក្រៅពីរសជាតិឈ្ងុយឆ្ងាញ់ ជាតិកាហ្វេអ៉ីននៅក្នុងកាហ្វេនឹងធ្វើឲ្យអ្នកមានស្មារតីភ្លឺស្វាងក្នុងការធ្វើការងារ ។ វាធ្វើឲ្យអ្នកមានអារម្មណ៍ស្វាហាប់ជាងធម្មតា និង ផ្ដោតលើអ្វីមួយបានកាន់តែម៉ត់ចត់។

២. គួរផឹកកាហ្វេមួយកែវមុនពេលហាត់ប្រាណ

ការផឹកកាហ្វេមួយកែវមុនហាត់ប្រាណមិនត្រឹមតែអាចជួយរក្សាស្មារតីអ្នកឲ្យបាននឹងននោះទេ វាថែមទាំងជួយបន្ថែមថាមពលដល់រាងកាយផងដែរ។ កាហ្វេមួយកែវនេះនឹងធ្វើឲ្យកម្លាំងកាយស្វាហាប់ អាចហាត់ប្រាណយ៉ាងមានប្រសិទ្ធភាព។

៣. ផឹកកាហ្វេមុនពេលគេងថ្ងៃ

ផឹកកាហ្វេមួយកែវមុនសម្រាកពេលថ្ងៃត្រង់ នឹងជួយជំរុញការគិតអ្នកឲ្យកាន់តែមានប្រសិទ្ធភាព និង ផ្តល់កម្លាំងធ្វើឲ្យខួរក្បាលអ្នកស្រលះល្អបន្ទាប់ពីងើបពីគេងវិញ។

៤. កុំផឹកកាហ្វេយប់ជ្រៅ បើអ្នកត្រូវងើបពេលព្រឹកព្រលឹម

ជាតិកាហ្វេអ៉ីនអាចធ្វើឲ្យអ្នកស្វាង ដូច្នេះមិនគួរផឹកកាហ្វេពេលល្ងាច ឬយប់ទេ ព្រោះអាចធ្វើឲ្យអ្នកគេងមិនលក់ពេញមួយយប់។

៥. ជ្រើសរើសប្រភេទកាហ្វេផឹកឲ្យបានត្រឹមត្រូវ

អ្នកប្រហែលគិតថាកាហ្វេរសជាតិខ្លាំងប្រាកដជាមានជាតិកាហ្វេអ៉ីនច្រើនមែនទេ? វាមិនអាស្រ័យលើចំណុចនេះទេ តែវាអាស្រ័យលើគុណភាពរបស់កាហ្វេ ព្រោះអ្នកអាចបន្ថែមទឹកដោះគោ ឬ ស្ករ បានតាមចំណូលចិត្តអ្នកបាន។

៦. ជ្រើសរើសពេលផឹកកាហ្វេដ៏ត្រឹមត្រូវ

ពេលដ៏ល្អបំផុតក្នុងការផឹកកាហ្វេមិនមែនពេលងើបពីគេងភ្លាមទេ ។ ដើម្បីទទួលបានគុណប្រយោជន៍ខ្លាំងពីកាហ្វេ គឺគួរផឹកចន្លោះពីម៉ោង ៩:៣០ ទៅ ១១:៣០ ព្រឹក។

៧. ដឹងពីវិធីបង្កើន ឬបន្ថយកម្រិតកាហ្វេសមស្របតាមលក្ខខណ្ឌសុខភាពរបស់អ្នក

កាហ្វេមានឥទ្ធិពលខុសប្លែកគ្នាចំពោះមនុស្សផ្សេងគ្នា អ្នកខ្លះផឹកបានច្រើន អ្នកខ្លះបានតិច ។
ជួនកាលអ្នកអាចផឹកបានច្រើនហើយមានអារម្មណ៍ថាស្រួលខ្លួនល្អ តែកាហ្វេបរិមាណដដែលនេះអាចធ្វើឲ្យអ្នកវិលមុខក៏ថាបាននៅពេលផ្សេងទៀត ។ ដំណោះស្រាយល្អគឺ គួរផឹកកាហ្វេម្តងបន្តិចៗ ជៀសវៀងការផឹកបរិមាណច្រើនតែម្តង ។

កាហ្វេជាភេសជ្ជៈល្អមិនអាចកាត់ថ្លៃបានចំពោះសុខភាព ប្រសិនបើអ្នកផឹកសន្សឹមៗ និង យល់ច្បាស់ពីឥទ្ធិពលរបស់វាចំពោះរាងកាយអ្នក ។ ដូច្នេះហើយទើប Nescafe បានបង្តើតឡើងជាប្រភេទកាហេ្វកំប៉ុង ដែលមានរសជាតិផ្សេងៗគ្នា ដូចជា Nescafe Latte ងាយស្រួលផឹកព្រោះមានលាយទឹកដោះគោច្រើន និងផ្អែមឆ្ងាញ់ ចំណែក Espresso Roast មានជាតិកាហ្វេខាប់ ផ្ដល់ឲ្យអ្នកនូវកាហ្វេរសជាតិដើម ហើយឈ្ងុយឆ្ងាញ់ និង Dark Roast ជាប្រភេទកាហ្វេចាស់ខ្លាំង មានរសជាតិល្វីងមុត និងមានក្លិនកាហ្វេខ្លាំងឈ្ងុយជាប់ច្រមុះ សមស្របសម្រាប់អ្នកដែលចូលចិត្តផឹកកាហេ្វជាប្រចាំ នឹងចង់មានអារម្មណ៍ស្រស់ថ្លានៅពេលព្រឹក រឺក៏ពេលបាយថ្ងៃត្រង់ហើយ។