ទៅលេងថៃ តិចអត់ស្គាល់បារទំនើបផ្ដល់ស្រាបិតដោយដៃលំដាប់ពិភពលោកដំបូងគេនៅបាងកក!

2017-01-19 05:42:31
ចំនួនមតិ 0 | ចំនួនចែករំលែក 0

ចន្លោះមិនឃើញ

RIEDEL WINE BAR & CELLAR គឺជាបារដំបូងគេផ្ដល់ប្រភេទស្រាបិតដោយដៃលំដាប់ពិភពលោកនៅទីក្រុងបាងកក ប្រទេសថៃ ដោយប្រើកែវស្រាដ៏ប្រណីតម៉ាក RIEDEL មានប្រវត្តិជាង ២៦០ ឆ្នាំ ដែលផលិតឡើងសម្រាប់ស្រាចម្រាញ់ចេញពីស្ដេចផ្លែទំពាំងបាយជូរគ្រប់ប្រភេទនៅលើពិភពលោក។

បារមួយនេះមានទំហំ ៤៣៧ ម៉ែត្រការ៉េ អាចផ្ទុកមនុស្សបាន ៨០ នាក់ ហើយចែកជា ៣ ផ្នែក៖

ផ្នែកខាងក្នុងជាបន្ទប់ប្រជុំ ឬពិធីជប់លៀង
ផ្នែកដំបូលក្រៅវិញ គឺសម្រាប់អ្នកដែលចង់មើលទេសភាពក្រុងបាងកក
បន្ទប់ក្រោមដីវិញ មានលក់ស្រាដ៏កម្ររសជាតិឆ្ងាញ់ដាច់គេ កែវចរណៃប្រណីតៗ និងសម្ភារៈផ្សេងៗ។

រាល់បញ្ជីឈ្មោះស្រាទាំងអស់ និងមុខម្ហូបជាង ៣០ មុខរបស់ហាង ត្រូវប្ដូររៀងរាល់ ២ ឬ ៣ខែម្ដងអាស្រ័យលើគំនិតឆ្នៃប្រឌិតរបស់ហាង។

រចនាឡើងដោយពណ៌ក្រហម ស ត្នោត ទង់ដែង បារដែលមានទីតាំងនៅមជ្ឈមណ្ឌលពាណិជ្ជកម្ម Gaysorn នៅ Ratchaprasong ទីក្រុងបាងកក មួយនេះ មានស្រាដ៏ល្អចម្រាញ់ដោយដៃតាមបែបធម្មជាតិជាង ២០០ ប្រភេទឯណោះ។

"RIEDEL WINE BAR & CELLAR" បើកបម្រើពីម៉ោង ១១ ព្រឹករហូតដល់ពាក់កណ្ដាលអធ្រាត្រ។ សម្រាប់ព័ត៌មានបន្ថែម សូមទាក់ទង +662-656-1133 ៕