ឃើញទឹកចិត្តប្រឹងប្រែង ស្ថាបនិកក្ដារចុច "លក្ខណៈខ្មែរ" ទទួលប្រាក់ឧបត្ថម្ភ ២ ពាន់ដុល្លារពីកវីនិពន្ធល្បីឈ្មោះ

2017-01-24 01:03:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយក្ដីស្រលាញ់អក្សរសាស្រ្តខ្មែរ ខំព្យាយាមប្រឹងប្រែងបង្កើតក្ដារចុចថ្មីមួយតែម្នាក់ឯងទាំងគ្មានលុយមួយរៀល ពេលនេះលោក ភួយ លីហេងបានទទួលបានប្រាក់ឧបត្ថម្ភពីអ្នកស្រីកែវ ចន្ទបូរណ៍។

កវីនិពន្ទល្បីឈ្មោះ អ្នកស្រី កែវ ចន្ទបូរណ៍

អ្នកស្រី កែវ ចន្ទបូរណ៍ ដែលប្រិយមិត្តភាគច្រើនបានស្គាល់ទឹកដៃតែងនិពន្ធប្រលោមលោក និងទឹកចិត្តដ៏ប្រពៃផងនោះ អ្នកស្រីបានផ្ដល់ជាទឹកប្រាក់សុទ្ធចំនួន ២ ០០០ ដុល្លារដល់លោកភួយ លីហេង ដើម្បីជាជំនួយបន្តការងារអភិវឌ្ឃ[ក្ដារចុច "លក្ខណៈខ្មែរ"](https://itunes.apple.com/us/app/khmerism/id1148794719?mt=8 "")។

ស្ថាបនិកក្ដារចុចវ័យក្មេងរូបនេះ បានឲ្យ Sabay ដឹងថា លោកសប្បាយរីករាយដែលមានអ្នកឧបត្ថម្ភ ដើម្បីបន្តគម្រោងការងារបង្កើតថ្មីបន្ថែមទៀត នៅលើក្ដារចុច "លក្ខណៈខ្មែរ" របស់លោកទុកជាប្រយោជន៍សាធារណៈ និងជាជំនួយដល់ការវាយអក្សរខ្មែរនៅលើអុីនធើណិតឲ្យកាន់តែប្រសើរឡើង។

បន្ថែមលើនោះទៀត យុវជនរូបនេះបន្តថា ប្រាក់ឧបត្ថម្ភនេះអាចជួយលោកបានមួយផ្នែកធំ ក្នុងគម្រោងបង្កើតវិបសាយដែលផ្តល់ភាពងាយស្រួលសម្រាប់ពលរដ្ឋដែលចង់ស្វែងរកក្ដារចុចបង្កើតឡើងដោយស្នាដៃកូនខ្មែរលើបណ្តាញអ៊ីនធឺណិត៕