តិចអត់ដឹង! ផឹកកាហ្វេជួយបំផុសគំនិតច្នៃប្រឌិតកាន់តែប្រសើរ

2017-01-27 02:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គេតែងនិយាយថាមនុស្សទាំងអស់សុទ្ធតែមានគំនិតច្នៃប្រឌិតពីកំណើតជារបស់ខ្លួន តែមូលហេតុដែលគំនិតម្នាក់មិនល្អដូចមនុស្សម្នាក់ទៀតនោះ គឺអាស្រ័យលើសមត្ថភាពរបស់គេក្នុងការបន្លេចគំនិតច្នៃប្រឌិតនោះចេញមកក្រៅប៉ុណ្ណោះ ។ វាមិនដែលងាយស្រួលទេ ពេលនិយាយដល់ពាក្យ “គំនិតច្នៃប្រឌិតថ្មី” ព្រោះនេះសំដៅលើអ្វី ដែលថ្មីខុសប្លែកពីគេដែលមិនធ្លាប់មាន ដូច្នេះវាទាមទារការគិតច្រើន និងឆ្លាតវៃ ។ តែពេលខ្លះការច្នៃប្រឌិតខ្ពស់នេះ ក៏អាច ជារបស់សាមញ្ញបំផុតដែរ។

លោក Kyle Van Pelt អ្នកនិពន្ធអាមេរិកម្ចាស់សៀវភៅ It’s Not Too Late to Become a Writer ដែលបច្ចុប្បន្នកំពុងសរសេរអត្ថបទពាក់ព័ន្ធនឹងកាហ្វេ “ultimate guide to coffee shops” បានបង្ហើបពីការរកឃើញរបស់លោកថា កាហ្វេមានថាមពលពិសេសជួយរុញច្រានគំនិតច្នៃប្រឌិត របស់អ្នកផឹកបាន ។ ដោយរបៀបណានោះ លោកបានពន្យល់ថា ៖ កាហ្វេជាភេសជ្ជៈយ៉ាងពិសេសអស្ចារ្យ វាមានសមត្ថភាពបំពេញឲ្យអ្នកនូវស្មារតីរឹងមាំក្នុងការបំពេញការងារពេញមួយថ្ងៃ ជាពិសេសគឺកាច្នៃប្រឌិតរបស់អ្នកតែម្ដង។

១. កាហ្វេផ្ដល់ឲ្យអ្នកមានគំនិតផ្ដួចផ្ដើមយ៉ាងប្រសើរ

នេះជាហេតុផលធំដែលមនុស្សភាគច្រើនតែងត្រូវការកាហ្វេមួយកែវសម្រាប់ថ្ងៃថ្មីរបស់គេ។ កាហ្វេធ្វើឲ្យអ្នកផឹកមានអារម្មណ៍ស្រស់ថ្លា មានគំនិតបង្កើតថ្មីៗ និងត្រៀមដោះស្រាយបញ្ហាបានកាន់តែមានប្រសិទ្ធភាព។

២. កាហ្វេបណ្ដុះការប្ដេជ្ញាចិត្ត

វាធ្វើឲ្យអ្នកមិនអស់កម្លាំងចំពោះបញ្ហានៅចំពោះមុខ ព្រមទាំងបង្កើនការប្ដេជ្ញាចិត្តខ្ពស់ក្នុងការដោះស្រាយបញ្ហាទាំងនោះ។

៣. កាហ្វេបង្កើតឲ្យមានទំនុកចិត្ត

បញ្ហាចម្បងបំផុតរបស់អ្នកក្នុងការច្នៃប្រឌិតអ្វីថ្មីគឺការមិនទុកចិត្តខ្លួនឯង។ ពេលដែលអ្នកគិតថាគំនិតរបស់អ្នកមិនល្អ អ្នកនឹងគ្មានអ្វីប្រសើរឡើងក្រៅពីអង្គុយស្ត្រេស។ កាហ្វេអាចជួយបង្កើនថាមពលដល់ខួរក្បាលអ្នកក្នុងការបណ្ដុះគំនិតអស្ចារ្យជាច្រើន ព្រមទាំងបង្កើនទំនុកចិត្តក្នុងការឈានទៅមុខជានិច្ច។

(រូបតំណាង)ដាលីនចូលចិត្តថតរូបលេងប្រកបដោយសិល្បៈមើលទៅគួរឲ្យស្រលាញ់

មិនស្ទាក់ស្ទើរយល់ស្របចំពោះការលើកឡើងបែបនេះ កញ្ញា ដាលីន ដែលជាអតីតនិស្សិត ផ្នែកវិស្វកម្ម និងឌីហ្សាញ បានចែករំលែកបទពិសោធន៍ផ្ទាល់ខ្លួនថា កញ្ញាពិតជាចូលចិត្តផឹកកាហ្វេរាល់ពេលស្ទះរកគំនិតច្នៃប្រឌិតថ្មីមិនចេញ « ពេលធ្វើការមិនទៅមុខ បានផឹកកាហ្វេឡាតេ (Latte) បន្តិច ហើយដកដង្ហើមវែងៗ មើលស្មៅបៃតង ឬ ដើមឈើបៃតង មួយស្របក់ក្រោយ ដូចមានអារម្មណ៍ថា មានអីថ្មីៗចូលមកក្នុងខួរក្បាលយើងមែន » ។

កញ្ញាបញ្ជាក់បន្ថែមថា នេះប្រហែលមកពីកញ្ញាឧស្សាហ៍អត់ងងុយពេលយប់ ដូចនេះហើយពេលព្រឹក ឬក៏ពេលថ្ងៃត្រង់ ការផឹកកាហ្វេជួយធ្វើឲ្យស្វាងស្មារតី និង ផ្ដោតអារម្មណ៍បានល្អ « នៅឆ្នាំចុងក្រោយនៅមហាវិទ្យាល័យ រវល់ខ្លាំងណាស់ កាលនោះខ្ញុំត្រូវធ្វើការក្រៅម៉ោងទៀត អញ្ចឹងចង់ផឹកកាហ្វេមានតែទិញណេសកាហ្វេកំប៉ុងទុកក្នុងកាបូប ហើយដល់ពេលធ្វើការ ត្រូវគិតច្រើន ឬ ងងុយដេកពេលថ្ងៃអី ទើបដកយកមកផឹក មានប្រសិទ្ធភាពណាស់។ មកដល់បច្ចុប្បន្ននេះក៏ដោយក៏ខ្ញុំនៅតែទិញទុកនៅផ្ទះ ឬ ដាក់១ក្នុងកាបូបប្រចាំដែរ » ។

ដាលីនក៏បានបង្ហើបឲ្យដឹងពីកាហ្វេសំណព្វចិត្តនិងជាដៃគូរដ៏ល្អរាល់ពេលងងុយគេងរហូតដល់គិតអីមិនចេះ គឺ ណេសកាហ្វេកំប៉ុង អេសប្រេសសូ រ៉ូស (Espresso Roast) ដោយដាលីនលើកឡើងថា « កាហ្វេនេះមានតម្លៃសមរម្យ ឯរសជាតិឆ្ងាញ់ត្រូវចិត្តខ្ញុំព្រោះវាមិនខ្លាំងហើយក៏មិនខ្សោយពេក វាមានជាតិកាហ្វេឈ្ងុយឆ្ងាញ់ និងរៀងផ្អែមល្មម ហើយបើបានដាក់ក្លាសេឲ្យកាន់តែត្រជាក់ រសជាតិកាន់តែពិសេសប្លែក ផឹកភ្លាមមានអារម្មណ៍ថាស្មាងនិងមានកម្លាំងព្រឺស »

ចុះមិត្តយុវវ័យផ្សេងទៀតយល់ស្របដែរឬទេ ?