វេសឡាញ បើកពានរង្វាន់ថ្មី រំពឹងជោគជ័យដូចឆ្នាំមុន
- 2017-02-05 07:30:45
- ចំនួនមតិ 0 | ចំនួនចែករំលែក 0
វេសឡាញ បើកពានរង្វាន់ថ្មី រំពឹងជោគជ័យដូចឆ្នាំមុន
ចន្លោះមិនឃើញ
ក្រុមហ៊ុន វេសឡាញ គ្រុប បានបង្កើតពានរង្វាន់បាល់ទាត់មិនអាជីពរដូវកាលទី២របស់ខ្លួនហើយ ដោយមានក្រុមចូលរួមតាមបណ្ដាសាខាទាំងអស់នៅទូទាំងរាជធានីភ្នំពេញ។
ក្នុងឱកាសបើកការប្រកួតពានរង្វាន់ខាងលើនេះដែរ លោក តែ ឡាយ ប្រធាននាយកអប់រំ និងធនធានមនុស្សនៃសាលា វេសឡាញ បាននិយាយថាសាលាវេសឡាញបានបង្កើតពានរង្វាន់នេះឡើង ដើម្បីពង្រឹងកាយសម្បទាសិស្សឲ្យបានរឹងមាំ ស្វាហាប់ សុខភាពល្អ។ មួយវិញទៀតក៏ធ្វើអោយសិស្សានុសិស្សទាំងអស់ចេះសាមគ្គីភាពគ្នា និងអាចនាំឱ្យក្មេងៗគេចផុតពីគ្រឿងញៀន និងអំពើពាលាអាវាសែបាន ដែលវាមានគុណប្រយោជន៍ច្រើនចំពោះយុវជន។
លើសពីនេះទៅទៀត មិនមែនមានតែការប្រកួតកីឡាបាល់ទាត់នោះទេ សាលាខាងលើនេះក៏មានក្រុមចូលរួមហ្វឹកហាត់និងប្រកួតកីឡាផ្សេងៗទៀតដែរដូចជា វាយកូនបាល់ ហែលទឹកនិងតេក្វាន់ដូរជាដើម។
ពានរង្វាន់ វេសឡាញ ឆ្នាំ២០១៧ នេះបង្កើតឡើងដោយមានក្រុមចូលរួមចំនួន៧ក្រុមមកពីគ្រប់សាខាទាំងអស់នៃសាលាបង្រៀន វេសឡាញ ទូទាំងរាជធានីភ្នំពេញ។ ខណៈដែលកាលពីរដូវកាលមុននេះក្រុមជើងឯកបានទៅលើសាលាវេសឡាញ សាខាទូលទំពូង ដោយដែលបានយកឈ្នះក្រុមសាខាស្ទឹងមានជ័យនៅវគ្គផ្ដាច់ព្រ័ត្រ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
