ក្រោយឈ្នះថៃល្ងាចមិញ អ៊ុង វីរៈ អាចបន្តប៉ះស្ដេចត្រាញ់ប្រចាំ Thai Fight នៅសង្វៀន PNN
- 2017-02-06 02:43:57
- ចំនួនមតិ 0 | ចំនួនចែករំលែក 0
ក្រោយឈ្នះថៃល្ងាចមិញ អ៊ុង វីរៈ អាចបន្តប៉ះស្ដេចត្រាញ់ប្រចាំ Thai Fight នៅសង្វៀន PNN
ចន្លោះមិនឃើញ
ជ័យជម្នះរបស់ជើងខ្លាំងជំនាញប្រើកណ្ដាប់ដៃ អ៊ុង វីរៈ លើជើងខ្លាំងថៃ Diesellek កាលពីយប់មិញក្នុងជំនួបមិត្តភាពកម្ពុជា-ថៃ នៅសង្វៀន PNN ស្ថានីយទូរទស្សន៍មួយនេះកំពុងទាក់ទងឲ្យរូបគេទទួលកីឡាករថៃ Saiyok Pumpanmuang ដែលជាស្ដេចក្រាញ់របស់សង្វៀន Thai Fight។
តាមលោក ស្រ៊ឺ ស្រេង ហៅសំណព្វប្រធានគ្រប់គ្រងផ្នែកកីឡារបស់ទូរទស្សន៍ PNN ឲ្យដឹងថា ឥឡូវនេះក្រុមការងាររបស់លោកកំពុងទាក់ទងទៅ Saiyok ។ ជាងនេះទៀតស្ថានីយបានស្នើតម្លៃខ្លួន និងពេលវេលាគ្រោងរៀបចំពាក់កណ្ដាលខែមីនា ឆ្នាំ២០១៧ខាងមុខនេះ។
លោកបន្ថែមថា ប្រសិនបើអ្នកលេងកណ្ដាប់ដៃរបស់ថៃរូបនេះព្រមតាមលក្ខណ យ៉ាងយូរបំផុតត្រឹមពេលវេលាកំណត់ខាងលើ នឹងមានការប្រកួតដ៏ធំមួយនេះកើតឡើងនៅសង្វៀន PNN ។ បើតាមភ្នាក់ងាររបស់លោកដែលបានផ្ដល់ព័ត៌មានមកលោកថា ពេលនេះ Saiyok មានទម្ងន់ ៧៥គីឡូក្រាមស្របាក់ស្របាល នឹង អ៊ុង វីរៈ ដែរ។
ជើងខ្លាំងថៃ Saiyok Pumpanmuang បច្ចុប្បន្នមានអាយុ ៣៣ឆ្នាំធ្លាប់ប្រកួតបានចំនួន ២៩១ ដងឈ្នះ២៤៣ ដងចាញ់ ៤៧ដង និងស្មើ១ ដង៕