វ៉ន វីវ៉ា ចូលរួមកិច្ចការសង្គមចែកមួកសុវត្ថិភាពនៅកំបូលព្រឹកមិញ

2017-02-07 08:58:47
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតកីឡាករជើងខ្លាំងប្រចាំកម្ពុជា វ៉ន វីវា ព្រឹកថ្ងៃទី៧ ខែកុម្ភៈ ឆ្នាំ ២០១៧ នេះឆ្លៀតពេលរត់ឡានឈ្នួលទៅចុះចែកមួកសុវត្ថិភាពដល់ប្រជាពលរដ្ឋចំនួនប្រហែល ៥០០មួក នៅកំបូល។

កីឡាករ វ៉ន វីវ៉ា ពាក់អាវលឿង និងលោក ហែម ដារិទ្ធ(Facebook Heng Loong)

អតីតអ្នកប្រដាល់គុនខ្មែរ វ៉ន វីវ៉ា បានប្រាប់ថា នៅព្រឹកថ្ងៃអង្គារ នេះលោកបានចូលរួមចែកមួកសុវត្ថិភាពជាមួយកីឡាករ ស៊ូ យ៉ាទី កីឡាការិនី ស៊ន សៀវម៉ី និងកីឡាករដទៃទៀត។ ពួកគេចែកមួកសុវត្ថិភាពនេះប្រហែលជា ៥០០មួក ហើយ។ ការចូលរួមនេះអតីតគឺចង់ឲ្យប្រជាពលរដ្ឋមានការប្រុងប្រយ័ត្នបន្ថែមទៀត ដូចជាចេះពាក់មួកសុវត្ថិភាពពេលបើកម៉ូតូ និងពាក់ខ្សែក្រវាត់ឲ្យបានត្រឹមត្រូវពេលបើករថយន្ត។ អ្នកប្រដាល់ដើមកំណើតមកពីខេត្តកំពង់ចាម ម្នាក់នេះសង្ឃឹមថា សកម្មភាពរបស់ពួកគេពេលនេះ នឹងរួមចំណែកឲ្យប្រជាពលរដ្ឋចូលរួមគោរពច្បាប់ និងកាត់បន្ថយគ្រោះថ្នាក់ចរាចរណ៍នៅពេលខាងមុខ។

កីឡាករ វ៉ន វីវ៉ា ខាងស្តាំដៃទី១(Facebook Heng Loong)

នេះជាលើកទី១ ហើយដែលកីឡាករ វ៉ន វីវ៉ា បានចូលរួមចែកមួកសុវត្ថិភាព ស្របពេលកម្មវិធីចែកមួកដែលរៀបចំឡើងដោយអ្នកសិល្បៈរួមទាំងកីឡាករ កីឡាការិនី របស់កម្ពុជា និងសហការជាមួយអភិបាលខណ្ឌបានចុះចែកចំនួនពីរលើករួមមកហើយ។ កម្មវិធីចែកមួកនេះធ្វើឡើងនៅខណ្ឌពោធិ៍សែនជ័យ ត្រង់ចំណុចកំបូលមានរយៈពេលកន្លះថ្ងៃ៕

អត្ថបទ៖ នួន ស៊ីណា