ម្ចាស់បទ "ពាក់អាវមិនដែលឃើញដោះ" មានក្ដីបារម្ភពេលយកបទអធិរាជ ស៊ិន ស៊ីសាមុត មកច្រៀង

2017-02-14 06:29:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្សិលមិញផលិតកម្មថោនបានថតបទចម្រៀងត្រៀមឱកាសបុណ្យចូលឆ្នាំថ្មី ក្នុងនោះតារាចម្រៀងខ្មែរសុរិន លោក ខុង ខុយ ដែលទស្សនិកជនស្គាល់រូបលោកតាមរយៈបទ "ពាក់អាវមិនដែលឃើញដោះ" បានប្រាប់ Sabay ថា លោកមានច្រើនបទ តែលោកមានការព្រួយបារម្ភ ព្រោះបទចម្រៀងដែលច្រៀងជាសំនៀងដើមរបស់អធិរាជសំឡេងមាស ស៊ិន ស៊ីសាមុត ខ្លាចធ្វើមិនបានល្អពេលច្រៀង។

បទចម្រៀងដែលលោក ខុង ខុយ ច្រៀងសម្រាប់អបអរឆ្នាំថ្មីប្រពៃណីជាតិខ្មែរមានចំនួន១០បទ មានទាំងបទឆ្លងឆ្លើយ និងបទទោល។ ទាក់ទងនឹងបទឆ្លងឆ្លើយវិញគឺលោកចាប់ដៃគូច្រៀងជាមួយអ្នកនាង ចេន សាយចៃ មានដូចជា បទ "កកក៏បាយមេម៉ាយក៏ស្រី" “អរុណសួស្ដី" “បងខំស្កាត់រក" និងបទ "បាត់ដំបងមានអ្វីឆ្ងាញ់ទេ" ជាចង្វាក់រាំវង។ លោក ខុង ខុយ បន្ត។

ម្ចាស់បទ "ពាក់អាវមិនដែលឃើញដោះ" រូបនេះថ្លែងថា៖ "ខ្ញុំពិតជាមានកិត្តិយសខ្លាំងណាស់ដែលបានយកបទអធិរាជសំឡេងមាស លោកតា ស៊ិន ស៊ីសាមុត មកច្រៀងតែខ្ញុំក៏មានក្ដីបារម្ភដែរ ព្រោះខ្លាចច្រៀងទៅមិនបានល្អតែទោះបីយ៉ាងណាខ្ញុំ នឹងខិតខំប្រឹងប្រែង ជាមួយអ្នកនាង ចេន សាយចៃ"៕