វេស្ទើន បង្កើនការចំណាយទ្វេដងដើម្បីបានចំណាត់ថ្នាក់ល្អឡើងវិញរដូវកាលនេះ
- 2017-02-20 03:15:41
- ចំនួនមតិ 0 | ចំនួនចែករំលែក 0
វេស្ទើន បង្កើនការចំណាយទ្វេដងដើម្បីបានចំណាត់ថ្នាក់ល្អឡើងវិញរដូវកាលនេះ
ចន្លោះមិនឃើញ
លោក ប៊ួយ ម៉េងហុង អ្នកចាត់ការក្រុមបាល់ទាត់វេស្ទើនភ្នំពេញបានបញ្ជាក់ថារដូវកាលនេះក្រុមរបស់លោកបានបង្កើនប្រាក់ចាយវាយទ្វេដងសម្រាប់ពង្រឹងក្រុមនិងជួសជុលទីលានផ្សេងៗ។
វេស្ទើនរដូវកាលមុន មានភាពរញ៉េរញ៉ៃបន្តិច ដោយសារតែមានការផ្លាស់ប្ដូរគ្រូបង្វឹកនៅពាក់កណ្ដាលរដូវកាល ទើបបានជាមិនទទួលបានលទ្ធផលល្អ។ យ៉ាងណាមិញ សម្រាប់រដូវកាលនេះវិញ ក្រុមទាំងមូលត្រៀមខ្លួនរួចជាស្រេច ហើយក៏មានគម្រោងច្រើនត្រូវធ្វើផងដែរ។ អ្វីដែលគួរឱ្យកត់សម្គាល់ជាងគេនោះ គឺការបង្កើនប្រាក់ចំណាយទាំងប្រាក់ឈ្នួលកីឡាករនិងជួសជុលទីលានជាដើម។
បើតាមលោក ប៊ួយ ម៉េងហុង អ្នកចាត់ការក្រុមខាងលើបានបង្ហើបថាត្រឹម១ខែ វេស្ទើនបានចំណាយជាង២ម៉ឺនដុល្លារចំពោះប្រាក់ខែកីឡាករ ដែលនេះជាចំនួនកើនច្រើនជាងឆ្នាំមុន។ ចំពោះទីលានវិញ ក៏មានការកែកុនបន្ថែមដែរ ដោយបង្រីកកន្លែងគ្រូឈរបញ្ជាកូនក្រុម និងស្មៅក្នុងទីលានក៏ចាក់ជ័របន្ថែមផងដែរ។
សូមបញ្ជាក់ថាក្លឹបបាល់ទាត់វេស្ទើនប្រកួតបើករដូវកាលលីគកំពូលដំបូងរបស់ខ្លួនមិនទាន់ល្អនោះទេ ដោយបរាជ័យក្រោមថ្វីជើងរបស់ប៉ូលិសក្នុងលទ្ធផលដល់ទៅ ៤-០ ឯណោះ។ ខណៈដែលលទ្ធផលនេះ ហាក់ដូចជាផ្ទុយពីអ្វីដែលក្រុមទាំងមូលបានគិត ត្បិតអីពួកគេរំពឹងថានឹងទទួលបានជ័យជម្នះក្នុងប្រកួតទីមួយ ដីខ្លួនឯងផងនោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
