គ្រូណាហ្គា ប្រាប់កូនក្រុមកុំបង្កកំហុស ព្រោះហ្វ្រីឃីក Booysen គ្រោះថ្នាក់ណាស់

2017-02-23 01:58:50
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅល្ងាចម៉ោង៦ថ្ងៃសៅរ៍ខាងមុខនេះ ក្រុមណាហ្គាវើល នឹងត្រូវប្រកួតជាមួយក្រុមភ្នំពេញក្រោន នៅពហុកីឡដ្ឋានជាតិ ក្នុងពានរង្វាន់លីគកំពូលកម្ពុជា សប្ដាហ៍ទី២។

មុនជំនួបនេះចាប់ផ្ដើម លោក មាស ចាន់ណា ហាក់ដូចជាមិនសូវជាមានក្ដីបារម្ភប៉ុន្មាននោះទេ ចំពោះកូនក្រុមរបស់ខ្លួន និងសមត្ថភាពប្រយុទ្ធរបស់ក្រុមភ្នំពេញក្រោន។ អ្វីដែលលោកផ្ដោតសំខាន់ជាងគេនោះ គឺការទាត់បាល់ពិន័យរបស់ខ្សែប្រយុទ្ធ Booysen Shane តែម្ដង ព្រោះកីឡាកររូបនេះមានបច្ចេកទេសទាត់ល្អ ហើយតែងតែរកគ្រាប់បាល់បានជាញឹកញាប់។

“ភ្នំពេញក្រោន ត្បិតតែប្រើយុវជនច្រើនប៉ុន្តែគេនៅតែមានទម្រង់លេងល្អ ប៉ុន្តែកីឡាករខ្ញុំឱ្យតែលេងប៉ះក្រុមខ្លាំង ពួកគេលេងដឹងតែល្អហើយ។ ខ្ញុំបារម្ភតែម្យ៉ាងទេ គឺហាមពួកគេកុំឱ្យបង្កកំហុសនៅតំបន់ដំបូលទូក វាអាចគ្រោះថ្នាក់ព្រោះ Shane ទាត់ល្អនៅចំណុចនេះ”។ សម្ដីលោក មាស ចាន់ណា។

បើគិតត្រួសៗទៅ ណាហ្គាវើល ប៉ះភ្នំពេញក្រោន បាន១៧ប្រកួតមកហើយ ក្នុងនោះណាហ្គាឈ្នះបាន៣ដង ស្មើ៧ដងនិងចាញ់៧ដង។ ប្រកួតចុងក្រោយរបស់ពួកគេនៅលីគកំពូលកាលពីរដូវកាលមុននេះ បញ្ចប់ទៅដោយលទ្ធផល ១-១ ៕