មកស្គាល់ហាងថ្មីដេគ័រសុទ្ធតែឈើ ម្ហូបវិញឆ្ងាញ់កប់ ហើយអត់ប្រើប៊ីចេងទៀត

2017-02-26 05:23:36
ចំនួនមតិ 0 | ចំនួនចែករំលែក 0

ចន្លោះមិនឃើញ

បរិយាកាសប្លែក ព្រោះដេគ័រប្រើសុទ្ធតែឈើ
មានបន្ទប់ឯកជនសម្រាប់លក្ខណៈគ្រួសារ ឬមិត្តភ័ក្ដិ
ដេគ័រញាក់សាច់មែន តែតម្លៃធានាម៉ាសមរម្យ
សំខាន់ ម្ហូបឆ្ងាញ់ តែមិនប្រើប៊ីចេង

គ្រាន់តែឈានជើងចូលដល់ក្នុងហាងភ្លាម មិនដឹងអារម្មណ៍ថា «Wow» មកពីណាទេ ព្រោះអីភ្ញាក់ផ្អើលនឹងការដេគ័រប្លែកខុសពីចូលហាងផ្សេងៗដាច់ប៉ិតតែម៉ង។ បន្ទះឈើស្អាតរលោងៗបិទគ្រប់កន្លែងពេញផ្ទៃហាងទាំងមូល រាប់តាំងពីច្រកទ្វារ ជញ្ជាំង ពិដាន រហូតដល់កាំជណ្ដើរ ខណៈតុ កៅអី ក៏ប្រើឈើជាមួយនឹងការរចនាបែបសិល្បៈ តែសាមញ្ញ បង្កើតជាបរិយាកាសថ្មីប្លែក ពេលចូលញ៉ាំអី។ នេះមិនទាន់រៀបរាប់ពីសេវាទទួលភ្ញៀវរាក់ទាក់យកចិត្តទុកដាក់លើភ្ញៀវផង។

ទិដ្ឋភាពអមដោយបរិយាកាសមិនចាញ់ហាងក្រៅប្រទេសមួយនេះ មាននៅភោជនីយដ្ឋាន និងកាហ្វេ ស៊ីស្តូន ចាំងសិន (SeaStone Junction – Restaurant & Café) ដែលទើបនឹងបើកសម្ពោធថ្មីក្ដៅៗកាលពីល្ងាចថ្ងៃសុក្រនេះ។

លោក គួច ឡាយហុក នាយកគ្រប់គ្រង SeaStone Junction ប្រាប់ Sabay ក្នុងឱកាសសម្ពោធហាងថា ការដេគ័រប្រើឈើបែបនេះ គឺដើម្បីឲ្យអ្នកចូលមកញ៉ាំអាហារមានអារម្មណ៍ដូចនៅកន្លែងធម្មជាតិ ត្រូវនឹងអាហារឆ្ងាញ់ៗ។ ហាងក៏មានបន្ទប់សម្រាប់លក្ខណៈឯកជនដែរសម្រាប់គ្រួសារ និងមិត្តភ័ក្ដិ។

លក្ខណៈពិសេសនៅហាងមួយនេះ គឺអាហារឆ្ងាញ់គ្មានប្រើប៊ីចេងល្អសម្រាប់សុខភាព អនាម័យ និងតម្លៃសមរម្យ បើទោះហាងវិនិយោគលើការប្រើឈើដេគ័រ និងសម្ភារៈផ្សេងៗអស់រាប់សិបម៉ឺនដុល្លារក៏ដោយ។

លោក គួច ឡាយហុក នាយកគ្រប់គ្រង SeaStone Junction

"ចំណុចពិសេសហាង គឺអាហារមិនប្រើប៊ីចេង តែឆ្ងាញ់ និងអនាម័យ ហើយយើងផ្ដោតលើអាហារអាស៊ី។ តម្លៃវិញ ចាប់ពី ២,៥ ដុល្លារឡើងទៅ គឺសមរម្យដូចគេដូចឯង"។ នេះជាបញ្ជាក់យ៉ាងខ្លីរបស់អ្នកគ្រប់គ្រងវ័យក្មេង និងជានិស្សិតឆ្នាំទី២ កំពុងសិក្សានៅទីក្រុងស៊ីដនី ប្រទេសអូស្ត្រាលី រូបនេះ។

SeaStone Junction មានបម្រើអាហារពេលព្រឹក ពេលថ្ងៃ និងពេលល្ងាច ចាប់ពីម៉ោង ៦ ព្រឹក ដល់ម៉ោង ១០ យប់ ព្រមទាំងទទួលរៀបចំកម្មវិធីជប់លៀង ខួបកំណើត និងកម្មវិធីសិក្ខាសាលា កិច្ចប្រជុំផងដែរ។

SeaStone Junction មានទីតាំងស្ថិតនៅផ្ទះលេខ១២៣ ផ្លូវ២៥៧ កែងផ្លូវ២១៨ សង្កាត់ទឹកល្អក់៣ ខណ្ឌទួលគោក ភ្នំពេញ។ សម្រាប់ព័ត៌មានបន្ថែម សូមទាក់ទង 023 647 3535 ឬចូលផេក SeaStone Junction ។

កុំភ្លេចមកសាកល្បងរសជាតិថ្មីណា៎ !

ទិដ្ឋភាពសម្ពោធហាងកាលពីថ្ងៃសុក្រ ទី២៤ កុម្ភៈ ៖