កម្មវិធីទូរសព្ទអស្ចារ្យប្រើបច្ចេកវិទ្យា AR ដំបូងគេនៅស្រុកខ្មែរអាចទាញប្រើបានលើ iPhone

2017-03-01 02:27:58
ចំនួនមតិ 0 | ចំនួនចែករំលែក 0

ចន្លោះមិនឃើញ

Osja AR កម្មវិធីទូរសព្ទបង្កើតដោយកូនខ្មែរ ប្រើបច្ចេកវិទ្យាទំនើប AR (Augmented Reality) ពេលនេះអាចទាញយកមកប្រើបានលើ iOS។

Osja AR ទើបដាក់ឲ្យទាញយកលើ App Store ក្នុងកំណែប្រែ 1.0 ។ កម្មវិធីនេះប្រើបច្ចេកវិទ្យា AR ថតលុយរៀលខ្មែរ ឲ្យចេញរូបតួអង្គ យក្ស ក្ងោក និងហនុមាន មានចលនារាំលេងពីលើលុយទាំងនោះផ្ទាល់តែម្តង។

បច្ចេកវិទ្យា AR (Augmented Reality) លើកម្មវិធីនេះ ស្រដៀងគ្នានឹងបច្ចេកវិទ្យាហ្គេម Pokemon Go ដែលល្បីពេញពិភពលោក កាលពីចុងឆ្នាំ ២០១៦។

បច្ចុប្បន្នកម្មវិធីនេះ អាចដំណើរការបានលើលុយរៀលខ្មែរ មានក្រដាស ១០០ រៀល, ៥០០ រៀល, ១ ០០០ រៀល, ២ ០០០ រៀល, ៥ ០០០ រៀល និង ១០ ០០០ រៀល។

សម្រាប់ក្រដាស ១០០ រៀលនឹងបង្ហាញតួអង្គ បុរាណកំពុងស្ទូចត្រី។
ក្រដាស ៥០០ និង ១ ០០០ រៀល បង្ហាញរូបក្ងោកញីឈ្មោលកំពុងរាំ។
ក្រដាស ២ ០០០ រៀល បង្ហាញរូបប្រាសាទព្រះវិហាររួមនឹងអក្សរនៅពីលើ។
ក្រដាស ៥ ០០០ និង ១០ ០០០ រៀល បង្ហាញរូបតួអង្គស្វានិងយក្ស។

លោក អៀ អ៊ុយ ស្ថាបនិកក្រុមហ៊ុន Sabay Osja និងជាអ្នកបង្កើតកម្មវិធីទំនើបមួយនេះ អះអាងថាក្រុមលោក នឹងស្រាវជ្រាវថែមមុខងារថ្មីៗ លើកម្មវិធី Osja AR ដើម្បីឲ្យរឹតតែអស្ចារ្យ ហើយអ្នកប្រើប្រាស់កាន់តែរីករាយប្រើប្រាស់៕

ទាញយក Osja AR សម្រាប់ iOS / Android

អត្ថបទ៖ ផាន់និត