Oleg ថាចាញ់ស្វាយរៀង គ្មានអ្វីត្រូវអាម៉ាស់ទេ

2017-03-20 02:35:18
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Oleg Starynskyi គ្រូបង្គោលក្លឹបភ្នំពេញក្រោន បានបញ្ជាក់ថាការចាញ់ក្លឹបព្រះខ័នរាជស្វាយរៀងគឺគ្មានអ្វីត្រូវអាម៉ាស់នោះទេ ព្រោះពួកគេលេងល្អសមជាក្រុមខ្លាំងនៅលីគកំពូលកម្ពុជា។

ស្វាយរៀងបានយកឈ្នះភ្នំពេញក្រោនក្នុងលទ្ធផល ១-០ នៅសប្ដាហ៍ទី៥លីគកំពូលកម្ពុជានេះ ដោយការទាត់បាល់ហ្វ្រីឃីកយ៉ាងស្អាតរបស់កីឡាករ ប្រាក់ មុន្នីឧត្តម។ ក្រោយពីចប់ការប្រកួតនេះដែរ លោក Oleg បានបង្ហាញអារម្មណ៍ពេញចិត្តចំពោះការចាញ់នេះ ព្រោះក្លឹបស្វាយរៀងសក្ដិសមចំពោះជ័យជម្នះដែលពួកគេធ្វើបានយ៉ាងល្អក្នុងការប្រកួត។

“យើងធ្វើបានល្អនៅតង់ទី១ ប៉ុន្តែយើងបានធ្វើឲ្យមានកំហុស និងផ្តល់បាល់ពិន័យជាច្រើនដល់គូរប្រកួតរបស់យើង ហើយនេះពិតជាធ្វើឲ្យយើងខាតបង់ច្រើន។ ក្លឹបព្រះខ័នរាជស្វាយរៀង បានបង្ហាញពីទម្រង់លេងយ៉ាងល្អ ដែលនេះពិតជាកម្រសម្រាប់បាល់ទាត់កម្ពុជា ហើយដូចនេះការចាញ់ក្លឹបព្រះខ័នរាជស្វាយរៀងគឺគ្មានអ្វីត្រូវអាម៉ាសនោះទេ ដោយសារតែពួកគេលេងបានល្អ”។ សម្ដី Oleg។

៥ប្រកួតដំបូងរបស់ភ្នំពេញក្រោនរដូវកាលនេះ ទើបតែចាញ់ស្វាយរៀង ១-០ នេះទេ ដោយពួកគេបានឈ្នះអាស៊ីអឺរ៉ុប ៣-០ បន្តឈ្នះណាហ្គាវើល ១-០ ស្នើបូលិស ២-២ និងប្រកួតទី៤យកឈ្នះគីរីវង់ ៦-១៕