ទឹកអប់ដំបូងបង្អស់របស់ LYN ដែលស្ត្រីទន្ទឹងរង់ចាំមកដល់កម្ពុជាហើយ !

2017-03-23 03:03:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតម៉ាកល្បីរន្ទឺជួរមុខគេរបស់ថៃ LYN បានចេញលក់ផលិតផលទឹកអប់ជាលើកដំបូងបង្អស់របស់ខ្លួនជាផ្លូវការហើយ បន្ទាប់ពីធ្វើឲ្យអ្នកគាំទ្រទន្ទឹងរង់ចាំអស់រយៈពេលយ៉ាងយូរ ។ អ្នកជំនាញក្នុងវិស័យនេះ បានឲ្យដឹងថា វត្ថមានរបស់ទឹកអប់LYN នៅពេលនេះប្រាកដជាអាចទាក់ទាញបានការគាំទ្របានយ៉ាងច្រើនព្រោះ LYNជាម៉ាកល្បីដែលមានការទទួលស្គាល់គុណភាពគុណភាពស្រាប់ ហើយបច្ចុប្បន្នការប្រើប្រាស់ទឹកអប់បានក្លាយជាទម្លាប់រស់នៅប្រចាំថ្ងៃ បែបស៊ីវិល័យ របស់មនុស្សជំនាន់ថ្មីទៅហើយ គួរឲ្យកត់សម្គាល់បំផុត គឺ ក្នុងចំណោមយុវវ័យ និង វ័យកណ្តាល ។

ក្លិនទឹកអប់ថ្មីដ៏ប្រណិតនេះ ច្នៃចេញពីក្លិនស្រទន់នៃបណ្តូលផ្កា និង ផ្លែឈើ ជាច្រើនមុខ ដូចជា ផ្កាម្លិះ ផ្កាកូលាប ផ្កាក្រូច ផ្លែប៉ោម ផ្លែបឺរី ផ្លែក្រូចសើច ផ្លែក្រូចឃ្វិច ដោយផ្សំជាមួយក្លិនវ៉ាននីឡា វ៉ាអូឡេត បង្កើតបានជាក្លិនដ៏ក្រអូប ឈ្ងុញ ប្លែកមិនធ្លាប់មានពីមុនមកឡើយ ។ ក្លិនក្រអូប LYN បានច្នៃឡើងដោយរូបមន្តយ៉ាងពិសេសដើម្បីបង្កើនមន្តស្នេហ៍សុភាពនារី និងជំនឿចិត្ត បន្ថែមពីលើការតុបតែងខ្លួនដោយម៉ូដសម្លៀកបំពាក់ស្អាតៗ ដែលធ្វើការស្ត្រីមើលទៅឥតខ្ចោះ និងផ្តល់អារម្មណ៍ស្រស់ស្រាយយូរអង្វែងសម្រាប់ឱកាសណាត់ពិសេសរបស់គេ ។