ជោគជ័យមួយ ឌួង ហ្សូរីម៉ា ត្រៀមបើកជំនួញថ្មីមួយទៀត

2017-03-29 23:09:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីជោគជ័យអាជីវកម្មលក់កាហ្វេមួយ ឌួង ហ្សូរីម៉ា ប្រាប់នាងមានគ្រោងបើជំនួញថ្មីទៀតហើយ។

ហ្សូរីម៉ា ប្រាប់ថា ឥឡូវនាងកំពុងត្រៀមបើកហាងថ្មីមួយទាក់ទងជាមួយផលិតផលថែសម្រស់ ដែលនាំចូលពីប្រទេសថៃ កូរ៉េ ដែលមានខ្លះយកផលិតផលរបស់គេហើយខ្លះទៀត មានស្លាកសញ្ញាផ្ទាល់ខ្លួនតែម្ដង។

នាងបន្តថាប្រហែលមិនយូរទេហាងថ្មីរបស់នាងនឹងលេចរូបរាង នៅក្បែរហាងកាត់ដេរ"ដាណាម៉ា" របស់ម្ដាយនាងតែម្ដង។ "គឺត្រៀមបើកក្នុងពេលឆាប់ៗនេះ ប្រហែលខ្ទង់មួយខែទៅ២ ខែទៀត ប៉ុន្តែសព្វថ្ងៃកំពុងដាក់លក់ផលិតខ្លះៗនៅហាងកាត់ដេរបណ្ដើរៗហើយ" ថៅកែ Nith Cafe បញ្ជាក់។

សម្រាប់ដើមទុនចំណាយវិញកូនស្រីពៅត្រកូល ឌួង ថា៖ "ហាងនេះបងអត់មានចូលភាគហ៊ុនជាមួយអ្នកណាទេ តែបងស្រីរបស់បង(ឌួង ហ្សូរីដា) ជាបើកទុកឲ្យបង និងបងស្រីទី២ ហើយដើមទុនគាត់ជាអ្នកចំណាយទាំងអស់" ។

អត្ថបទ៖ សុខណា