សំ វ៉ាន់ដេត ថា Leonardo នឹងរើសកីឡាករបានល្អ បើមានពេលមើលយូរ

2017-04-05 02:01:13
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក សំ វ៉ាន់ដេត គ្រូបង្វឹកក្រុមស្វាយរៀង បញ្ជាក់ថាលោក Leonardo Vitorino នឹងរើសកីឡាករចូលជម្រើសជាតិកាន់តែល្អថែមទៀត ប្រសិនណាបើគ្រូបង្វឹករូបនេះមានពេលច្រើនសម្រាប់មើលជើងកីឡាករ។

សំ វ៉ាន់ដេត

លោក Leo ក្រោយពីដឹកនាំក្រុមជម្រើសជាតិចាញ់២ប្រកួតកន្លងទៅនេះ បានបង្ហើបថានៅពេលប្រមូលផ្ដុំលើកក្រោយនឹងមានការផ្លាស់ប្ដូរសមាសភាពកីឡាករខ្លះ។ ខណៈដែលបច្ចុប្បន្ននេះ លោកកំពុងតែតាមដានជើងកីឡាករនៅលីគកម្ពុជាខ្លាំងមែនទែន ពោលគឺសឹងតែគ្រប់ប្រកួតមានវត្តមានលោក Leonardo ទៅមើលហើយ។

Leonardo Vitorino

ទាក់ទងទៅនឹងរឿងខាងលើនេះដែរ លោក សំ វ៉ាន់ដេត ធ្លាប់បានបញ្ជាក់ដែរថាក្រោមការដឹកនាំរបស់គ្រូបង្វឹកប្រេស៊ីល ក្រុមកម្ពុជានឹងមានការផ្លាស់ប្ដូរច្រើន។ មួយវិញទៀត បើមានពេលមើលជើងកីឡាករឱ្យបានច្រើននាក់នោះ លោក Leo នឹងកាន់តែរើសបានកីឡាករល្អៗច្រើនបន្ថែមទៀតជាក់ជាមិនខាន។

២ប្រកួតកន្លងមកដើមរដូវកាលនេះ លោក Leo បានដឹកនាំកម្ពុជាមិនទាន់រកឃើញជ័យជម្នះនៅឡើយទេ ដោយប្រកួតទី១ មិត្តភាពជាមួយឥណ្ឌាចាញ់ក្នុងលទ្ធផល ៣-២ និងប្រកួតទី២ ចាញ់ក្រុមហ្សកដានីក្នុងលទ្ធផល ៧-០៕

អត្ថបទ៖ មុន្នីរម្យ