ឡង់ដា៖ "ប្រកួតដើម្បីឈ្នះខ្លួនឯង មុនទៅយកឈ្នះដទៃ"

2017-04-06 02:54:49
ចំនួនមតិ 0 | ចំនួនចែករំលែក 0

ចន្លោះមិនឃើញ

"ពង្រឹងសមត្ថភាពជាសហគ្រិនរបស់អ្នក ចូលរួមជាមួយ Cambodia ICT Award ឆ្នាំ ២០១៧" ជាសារលើកទឹកចិត្តខ្លីរបស់នាយកប្រតិបត្តិវ័យក្មេងកម្មវិធីកក់សំបុត្រឡានអនឡាញ BookMeBus ក្នុងគោលបំណងលើកទឹកចិត្តឲ្យយុវវ័យចាប់អារម្មណ៍លើវិស័យបច្ចេកវិទ្យា ព្រមទាំងដុះខាត់សមត្ថភាពដើម្បីចូលរួមប្រកួតប្រជែងដណ្ដើមពានរង្វាន់ Cambodia ICT Award ឆ្នាំ ២០១៧។

លោក ជា ឡង់ដា ជានាយកប្រតិបត្តិវ័យក្មេងកម្មវិធីកក់សំបុត្រឡានអនឡាញ BookMeBus និងជាបេក្ខជនជយលាភីលេខក្នុងកម្មវិធីពានរង្វាន់វិស័យបច្ចេកវិទ្យាកម្ពុជា Cambodia ICT Award 2016 ក្នុងវិញ្ញាសារបង្កើតធុរកិច្ចថ្មី បានឲ្យដឹងថា លោកលើកទឹកចិត្តឲ្យយុវជនយើងទាំងអស់គ្នា ចាប់ផ្ដើមដាក់ពាក្យ ហើយធ្វើវីដេអូខ្លីៗទៅតាមការកំណត់របស់គេ ហើយផ្ញើរទៅ ព្រោះវាល្អមែនទែន ដើម្បីឲ្យយើង Challenge ទៅនឹងខ្លួនយើងផ្ទាល់ និងអភិវឌ្ឍន៍ដោយខ្លួនបន្ថែម និយាយរួម ពង្រឹងសមត្ថភាពជាសហគ្រិនរបស់យើង ដើម្បីចូលរួមប្រកួតប្រជែង។

ក្នុងនាមជា យុវជនរៀមច្បងដែលធ្លាប់ឆ្លងកាត់ការប្រកួតប្រជែងក្នុងកម្មវិធីពានរង្វាន់វិស័យបច្ចេកវិទ្យាកម្ពុជានេះកាលឆ្នាំមុន បានចែករំលែកបទពិសោធន៍ ដល់អ្នកដែលមានចំណាប់អារម្មណ៍ចង់អភិវឌ្ឍន៍ខ្លួនជាសហគ្រិនក្នុងវិស័យបច្ចេកវិទ្យា ដោយនិយាយថា៖

ដំបូងលោកផ្ទាល់ ខ្លាចការប្រកួតប្រជែងបែបនេះ ដោយគិតថាខ្លួនគ្មានលទ្ធភាពអាចឈ្នះអ្នកចូលរួមដ៏ទៃទៀត ដោយសារខ្លួនឯងខ្វះនេះ ខ្វះនោះនឹងមិនទាន់ត្រៀមខ្លួនរួចរាល់ ប៉ុន្តែជាក់ស្តែង បើខ្ញុំមិនសាកល្បងទេ នេះគ្រាន់តែជាលេសប៉ុណ្ណោះ។ ហើយបើអ្នកពុំបានធ្វើវានៅថ្ងៃនេះ អ្នកក៏មិនដឹងថា តើអ្នកខ្វះអ្វីពិត ប្រាកដនោះទេ ហើយក៏មិនដឹងពីសមត្ថភាពខ្លួនពិតប្រាកដនោះដែរ ការចូលរួមការប្រកួតប្រជែងបែបនេះ គឺមិនមែនដើម្បីឈ្នះពានរង្វាន់នោះទេ តែគឺដើម្បីឈ្នះខ្លួនឯង៕

ចុចអាន៖ "ខ្ញុំចង់ឃើញយុវវ័យខ្មែរឈ្នះមេដាយ ICT Award ដើម្បីមុខមាត់ជាតិនៅឆ្នាំក្រោយ"

អត្ថបទ៖ រក្សា