ឃី សុឃុន ជ្រុះបាត់កាបូបលុយ ៣ដងលើកនេះធ្ងន់

2017-04-08 10:40:54
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតបេក្ខភាព The Voice Cambodia ឃី សុឃុន បង្ហោះក្នុងបណ្ដាញសង្គមមុននេះបន្តិចថា បានភ្លេចកាបូបលុយនៅបន្ទប់ទឹកការ៉ាស់សាំងមួយ ក្បែររង្វង់មូលជ្រោយចង្វាត្រើយខាងកើតកាលពីរសៀលមិញ។

ក្នុងនោះតារាប្រុសរូបនេះបានប្រាប់ Sabay ឲ្យដឹងថា នៅក្នុងកាបូប មិនមានលុយច្រើនឡើយ តែេក្នុងនោះមានកាតធនាគារ អត្តសញ្ញាបណ្ណ បណ្ណបើកបរ និងឯកសារមួយចំនួនទៀត។

សុឃុន បញ្ជាក់ទៀតថានេះមិនមែនជាលើកទី១ ទេ តែជាលើកទី៣ហើយ ដែលមានការធ្វេសប្រហែសបែបនេះ។ ជ្រុះបាត់២ដងមុនៗ មិនដែលរកឃើញវិញឡើយ តែ១ដងចុងក្រោយនេះ មានគេរើសសបានហើយសន្យាថានឹងប្រគល់ជូនវិញ។

"មានអ្នកនៅពោធិ៍ចិនតុងម្នាក់គេរើសបានបង ឥឡូវខ្ញុំកំពុងច្រៀងនៅកំពង់ចាម កំពុងសមឆាក ទាំងគ្មានអារម្មណ៍ ហឹម...។ តែមុននេះគេសន្យាថានឹងឲ្យវិញ ប្រហែយប់នេះច្រៀងចប់នឹងឆ្លៀតឡើងទៅភ្នំពេញវិញហើយ"៕

តារាប្រុសរូបនេះ អះអាងថាករណីអ្នករើសបានកាបូបលុយលោកកាលពីរសៀលនេះ លុយដែលមានក្នុងកាបូបលោកជូនទាំងអស់ និងមានបន្ថែមពីក្រៅ៕

អត្ថបទ៖ ថា ម៉ាលីដា