ចាន់ រតនា វ៉ៃមិនរាថយដើម្បីប្រទេស គ្រួសារ និងក្បាច់គុនបុរាណខ្មែរ

2017-04-21 02:25:47
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកវាយក្នុងទ្រុងកម្ពុជា ចាន់ រតនា នឹងត្រូវតតាំងជាមួយជើងខ្លាំងចិន Xie Bin នៅល្ងាចនេះហើយ ក្នុងការប្រកួត ONE Championship : KINGS OF DESTINY នៅទីក្រុង Manila ប្រទេសហ្វីលីពីន។

មុនការប្រកួតចាប់ផ្ដើមនេះដែរ វិបសាយបរទេសជាច្រើនបានចាប់អារម្មណ៍ទៅលើសមត្ថភាពរបស់ រតនា ដែលជាជើងខ្លាំងមួយរូបរបស់កម្ពុជា កើតចេញពីអ្នកប្រដាល់គុនបុរាណខ្មែរ។ ពួកគេបានសរសេរដាក់ចំណងជើងធំៗថា ចាន់ រតនា ឡើងប្រកួតលើកនេះគឺដើម្បីប្រទេស គ្រួសារ និងបង្ហាញពីក្បាច់គុនបុរាណខ្មែរ ឱ្យបរទេសបានឃើញ។

រូបកាលប្រកួតមុន

ក្នុងនោះទៀតសោត កីឡាករបទពិសោធន៍ពេញខ្លួនរបស់កម្ពុជាខាងលើក៏បានបង្ហាញចំណាប់អារម្មណ៍ដែរថា៖ “ខ្ញុំពិតជាចង់បង្ហាញអ្នករាល់គ្នាពីវប្បធម៌ដ៏រុងរឿងរបស់ខ្ញុំ និងសង្គ្រាមស៊ីវិលសម្រាប់ប្រជាជនអស់ជាច្រើន។ ឥឡូវនេះប្រទេសរបស់ខ្ញុំមានសន្តិភាពហើយ សង្គ្រាមគឺជាអតីតកាល ហើយខ្ញុំចង់ប្រាប់អ្នកថាកម្ពុជានឹងខ្លាំងម្ដងទៀត”។

រូបកាលប្រកួតមុន

ចាន់ រតនា ធ្លាប់បានប្រកួតប្រដាល់សេរីបានរហូតដល់៩០ដងក្នុងនោះក៏មានការប្រកួតជាលក្ខណៈអន្តរជាតិផងដែរ។ ក្រៅពីសាងកេរ្តិ៍ឈ្មោះល្បីលើសង្វៀនប្រដាល់សេរីអស់រយៈពេលជាច្រើនឆ្នាំ កីឡាកររូបនេះបានឃ្លាតឆ្ងាយពីប្រដាល់សេរី ប៉ុន្តែបែរជាលេចមុខប្រកួតក្នុងស្ថាប័នអន្តរជាតិ One Championship កាលពីខែកញ្ញាឆ្នាំ២០១៤។ ដោយគិតមកដល់ពេលនេះ រូបគេបានឡើងសង្វៀនប្រកួតបាន៥ដងមកហើយ។

កីឡាកររូបនេះ ឧស្សាហ៍បានប្រើស្នៀតប្រយុទ្ធពិសេសៗដើម្បីសម្លាប់ដៃគូដែលជាចំណុចទទួលបានការចាប់អារម្មណ៍ខ្លាំងពីអ្នកគាំទ្រក៏ដូចជាអ្នករៀបចំកម្មវិធីប្រកួត។ មូលហេតុដែល រតនា សំបូរក្បាច់ពិសេសៗ ព្រោះគេជាកីឡាករប្រដាល់សេរីមួយរូបដែលមានប្រភពដើមចេញពីក្បាច់គុនបុរាណខ្មែរគឺយុទ្ធក្រមខមដែលមានមូលដ្ឋានគ្រឹះវាយលុកលើដៃគូទាំងផ្នែកលើ និងក្រោម។ ឪពុករបស់របស់គេគឺលោក ចាន់ ប៊ុនធឿន ជាគ្រូបង្ហាត់ប្រដាល់សេរី និងយុទ្ធក្រមខមដែលបានផ្ដល់ឱកាសដល់ ចាន់ រតនាបានហ្វឹកហាត់៕

ប្រភព៖ Asiaone ប្រែសម្រួល៖ មុន្នីរម្យ