Dortmund ផ្ដួល Bayern ឡើងទៅ វគ្គផ្ដាច់ព្រ័ត្រ German Cup

2017-04-27 03:35:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួត DFB-Pokal ឬ Germand Cup បានរកឃើញ២ក្រុមឡើងទៅវគ្គផ្ដាច់ព្រ័ត្រហើយ ក្នុងនោះគឺ Dortmund និង Eintrach។

បន្ទាប់ពី Eintracht យកឈ្នះ Mönchengladbachដោយបាល់ប៉េណាល់ទីកាលពីម្សិលមិញ នៅថ្ងៃនេះ Dortmund បានយកឈ្នះជើងឯកចាស់ Bayern Munich ក្រៅទឹកដីក្នុងលទ្ធផល ៣-២យ៉ាងគួរឲ្យភ្ញាក់ផ្អើល ដើម្បីឡើងទៅវគ្គផ្ដាច់ព្រ័ត្រជាលើកទី៣រដូវកាលជាប់ៗគ្នា។

ចាប់ផ្ដើមការប្រកួតប្រមាណ ១៩នាទី Marco Reus ស៊ុតបញ្ចូលទីឲ្យ Dortmund បានមួយគ្រាប់មុន ប៉ុន្តែ Javi Martínez និង Hummels ដែលជាអតីតខ្សែការពារ Dortmund រកបានម្នាក់មួយគ្រាប់ឲ្យ Bayern Munich នាំមុខនៅតង់ទីមួយ ២-១។

ចូលដល់វគ្គទីពីរ នាទី៦០ Aubameyang លោតតែតតាមស្មើឲ្យ Dortmund បានវិញ មុនពេលដែល Dembéléទាត់ជើងឆ្វេងចូលមុំកែងយ៉ាងស្អាតនាទី ៧៤ ជាគ្រាប់ជួយក្រុមលោក Thomas Tuchel យកឈ្នះ ការប្រកួតនេះក្នុងលទ្ធផល ៣-២។ វគ្គផ្ដាច់ព្រ័ត្រនឹងធ្វើឡើងនៅកីឡដ្ឋាន Olympiastadion ថ្ងៃទី ២៧ ឧសភា៕