បន្ទាប់​ពី​មាន​ព័ត៌មាន​បែក​ធ្លាយ​ជា​ច្រើន​ទាក់​ទង​នឹង Huawei P10 និង P10 Plus ដែល​មាន​បំពាក់​​កាមេរ៉ា​ភ្លោះ​​ថែម​ទាំង​ភ្ជាប់​ជាមួយ​បច្ចេកវិទ្យា​​ថត​រូប​ដូច​​កាមេរ៉ា​អាជីព​ផង​នោះ​ ឥឡូវ​​មានលក់នៅលើ​ទីផ្សារ​ក្នុង​ស្រុក​ជា​ផ្លូវ​ការ​។

លោក អែម យុទ្ធូ នាយកទីផ្សារជាន់ខ្ពស់របស់ Huawei Android ស្មាត​ហ្វូន​ប្រចាំ​កម្ពុជា​បាន​ឲ្យ​ដឹង​ថា កំពូល​ស្មាត​ហ្វូន​​កាមេរ៉ា​ភ្លោះ​មុខក្រោយ Lecia លក់​ក្នុង​តម្លៃ ៦១០ ដុល្លារ​សម្រាប់ P10 និង​តម្លៃ ៦៩០ដុល្លារសម្រាប់ P10 Plus ហើយ​ក៏​ជា​ការ​ឆ្លើយ​តប​ទៅ​នឹង តម្រូវការ​ដ៏លើសលុប​របស់ប្រិយមិត្ត​ដែលនិយមថត និងផ្តិតយករូបភាព បែបសិល្បៈ សខ្មៅ ផ្ទៃព្រាល​​បាន​ផង​ដែរ។

Huawei ទាំងពីរ​ម៉ូឌែល​មាន​បំពាក់​​បច្ចេកវិទ្យា​សាក​ថ្ម​ឆាប់​រហ័ស​បំផុត​(Fast Charger) ដោ​យ​​គ្រាន់​​តែ​​សាក​កន្លះ​​ម៉ោង​ប្រើ​​បាន​ពេញ​មួយ​ថ្ងៃ បំពាក់​មក​ជាមួយ​CPU ប្រភេទ HiSilicon Kirin 960 ល្បឿន Octa-core ​ភ្ជាប់​ជាមួយ​ល្បឿនអ៊ិនធើណិតរហូតដល់ 4.5G LTE មាន​ស៊ីមពីរ ដែលអាចបន្ថែមម៉េម៉ូរី ខាងក្រៅ​រហូតដល់ 256GB។

ចំពោះ​បច្ចេកវិទ្យា​កាមេរ៉ាភ្លោះ​​នៅ​លើស្មាតហ្វូន​ទាំង​នេះ​អាច​ថត​រូប​បែប​ Portrait បាន​ស្អាត​ ផលិត​​រូបភាព​បែប​​សខ្មៅ monochrome ស្រមោលពន្លឺ Bokeh រឺផ្ទៃព្រាល Depth of Field រឺ Wide Aperture ជាមួយ​បច្ចេកវិទ្យា Hybrid Zoom ដែលជំនួយពន្លឺពីរដ ក្នុងការថតរូប ច្បាស់ដិតគ្រប់ចំណុច ថតរូបពេលយប់ ឬ​កន្លែងខ្សោយពន្លឺ (Super Low Light) បាន​ច្បាស់​និង​មាន​បច្ចេកវិទ្យាទប់លំនឹង (OIS) ផង​ដែរ។

លោក លី ស៊ុងវៃ (Li XiongWei) នាយក​ប្រតិបត្តិ​ជាន់​ខ្ពស់​​​ក្រុមហ៊ុន Huawei នៅ​កម្ពុជា​ក៏​បាន​លើក​ឡើង​ថា Huawei ពិតជាមានមោទនភាព​ដែលមានក្រុមហ៊ុនដៃគូរសហការ ម្ចាស់ហាង អ្នកចែកចាយបន្តល្អៗ ដែល​ជំរុញឲ្យមាន​អតិថិជន​យ៉ាងច្រើនសន្ធឹកសន្ធាប់​គាំទ្រផលិតផល Huawei ជា​ពិសេស​ស្មាតហ្វូននេះតែម្តង។ ជាមួយ​គ្នា​នេះ​ដែរ​ហួវៃរំពឹងទុកនិងជឿជាក់យ៉ាងមុតមុំាថា Huawei P10 & P10 Plus នឹង​ទទួល​បាន​ជោគជ័យ​ខ្លាំង​ក្នុង​​ទីផ្សារ​កម្ពុជា។

បញ្ជាក់​ថា​កំពូលស្មាតហ្វូន Huawei P10 & P10 Plus ឆ្នាំ 2017 ត្រូវបានដាក់បង្ហាញជាផ្លូវការ នៅ​ក្នុង​កម្មវិធី​ពិពណ៌​ទូរសព្ទ​ពិភពលោកឆ្នាំ2017 (MWC) ​ទទួលបាន ២៣ពាន់រង្វាន់ថែមទៀត៕

អត្ថបទ៖ រក្សា