មិនធម្មតា! ៣ឈុតនេះឈឺចាប់ដល់ថ្នាក់ យឹម សម្បត្តិ បំភ្លេចមិនបាន

2017-05-06 01:13:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយបញ្ចប់ការសម្ដែងភាពយន្តភាគដែលដក់ស្រង់ចេញពីប្រលោមលោកដ៏ល្បី "មន្តស្នេហ៍លេខា" យឹម សម្បត្តិ ប្រាប់មាន៣ឈុតដែលដក់ជាប់ក្នុងចិត្ត និងស្រលាញ់យ៉ាងខ្លាំង។

ជាតួឯកព្រាននារី ញ៉ែ និងរំលោភស្រីមិនរើសមុខ យឹម សម្បត្តិ លើកឡើងថា៖ "បើនិយាយពីឈុតដែលបងចូលចិត្តក្នុងរឿងនេះគឺមានច្រើន តែបើនិយាយពីឈុតដែលបងស្រលាញ់បំផុតគឺមាន៣"។

"ទី១គឺឈុតដែលបងបែកគ្នាជាមួយកេន្នី(ម៉ៅ គីមធីតា) នៅក្នុងក្លឹបមួយដែលមនុស្សស្រីសុំយើងបែកហើយទៅដោយមិនបកក្រោយអីចឹងធ្វើឲ្យបងឈឺចិត្តដែរត្រង់ហ្នឹង"។ តួសេនី ថ្លែង។

ចំណែកឈុតទី២វិញលោកបញ្ជាក់ថា ជាឈុតដែលដឹងថាសង្សារចាស់រៀនវិទ្យាល័យបានទៅស្រលាញ់គ្នាជាមួយបងប្រុសខ្លួន ហើយលោកថាឈុតនេះធ្វើឲ្យលោកពិបាកខ្លាំងក្នុងការប្រើអារម្មណ៍ឲ្យចូលតួ។

ឈុតដែលដក់ជាប់ក្នុងចិត្តចុងក្រោយគឺ ត្រង់វគ្គដែលកំពុងស្រលាញ់គ្នាជាមួយលក្ខិណា(សម្ដែងដោយ ភិន សុដាលីស) ហើយនាងសារភាពប្រាប់ថានាងក៏ស្រីរបស់ចេតនាដែរ។ "ត្រង់ឈុតមួយហ្នឹងធ្វើឲ្យបងឈឺចាប់ខ្លាំងហើយពិបាកធ្វើចិត្តមែនទែន"។ លោក បញ្ជាក់។