កូនស្រី Michael Jackson ចង់ដើរតួឯកក្នុងរឿងជីវប្រវត្តិរបស់ Madonna

2017-05-09 09:18:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ផលិតកររឿងដែលនិយាយពីប្រវត្តិរបស់តារាចម្រៀង Madonna កំពុងតែចង់បានកូនស្រីរបស់ស្ដេចចម្រៀងប៉ុប Michael Jackson សម្ដែងជាតួឯកគឺអ្នកស្រី Madonna កាលពីនៅក្មេង។

ក្រោយដឹងដំណឹងនេះ Paris Jackson គឺរំភើបចិត្តខ្លាំងណាស់ នឹងចង់សម្ដែងនៅក្នុងរឿងនេះ។

Paris វ័យ១៩ឆ្នាំ បានចាប់ផ្ដើមប្រឡូកក្នុងវិស័យសិល្បៈដំបូងដើមឆ្នាំនេះ ដែលបានសម្ដែងក្នុងរឿងភាគមួយ ហើយព្រមទាំងទទួលបានការទទួលស្គាល់ថាសម្ដែងបានល្អផងដែរ។

រឿងភាគនេះគឺផលិតដោយផលិតកម្ម Fox ដែលនិយាយអំពីស្ត្រី៣នាក់ដែលបង្កើតក្រុមចម្រៀងផ្ទាល់ខ្លួន។ Paris សម្ដែងជាតួជំនាញខាងផ្នែកប្រព័ន្ធបណ្ដាញសង្គម (Social Media)។

ប្រភពពីអ្នកផលិតរឿងនេះបានឲ្យដឹងថា តារាចម្រៀង Madonna មិនទាន់យល់ស្របនឹងសាច់រឿងនេះនៅឡើយទេ ប៉ុន្តែផលិតករទាំងនេះនឹងខិតខំជ្រើសរើសតួដែលអ្នកចម្រៀងជើងចាស់ម្នាក់នេះពេញចិត្ត។ ពេលនេះគេកំពុងតែចរចារជាមួយ Paris Jackson ព្រោះប្រសិនជានាងព្រមថតវាគឺជារឿងដ៏ល្អមួយសម្រាប់ផលិតករ ព្រោះ Madonna ស្រលាញ់និងពេញចិត្ត Paris។

កាលពីខែមុន តារាចម្រៀងវ័យ ៥៨ ឆ្នាំម្នាក់នេះបានបង្ហាញអារម្មណ៍មិនពេញចិត្តចំពោះគម្រោងរឿងនេះ ដែលមានទីតាំងនៅទីក្រុង New York និងនិយាយអំពីការចាប់ផ្ដើមល្បីល្បាញ និងការបញ្ចេញអាល់ប៊ុមចម្រៀងលើកដំបូង។ Madonna បាននិយាយថា៖ "ហេតុអ្វីបានជាផលិតកម្ម Universal Studios ចង់ផលិតរឿងអំពីខ្ញុំ ពឹងផ្អែកពីការសរសេរដែលសុទ្ធតែមិនមែនជាការពិត៕"