ទេព ឡុងរចនា ៖ គ្រូល្អមិនត្រូវព្រួយបារម្ភនៅពេលដៃគូកំពុងនាំមុខ
- 2017-05-11 02:07:34
- ចំនួនមតិ 0 | ចំនួនចែករំលែក 0
ទេព ឡុងរចនា ៖ គ្រូល្អមិនត្រូវព្រួយបារម្ភនៅពេលដៃគូកំពុងនាំមុខ
ចន្លោះមិនឃើញ
លោក ទេព ឡុងរចនា គ្រូបង្វឹកក្រុមបាល់ទាត់ក្រសួងការពារជាតិបានបញ្ចេញទស្សនៈថា ក្នុងនាមជាគ្រូបង្វឹកល្អម្នាក់មិនត្រូវមានការព្រួយបារម្ភឡើយ នៅពេលដៃគូកំពុងធ្វើការនាំមុខ ដែលនេះជាការតាំងអារម្មណ៍ឲ្យបានល្អ ដើម្បីកែប្រែស្ថានការណ៍ក្នុងក្រុម។
ឆ្លើយសំនួរអ្នកសារព័ត៌មានដែលបានសួថា លោកមានការព្រួយបារម្ភទេ នៅពេលដៃគូកំពុងធ្វើការនាំមុខ។ គ្រូបង្វឹករូបនេះបានឲ្យដឹងថា ចំណុចពិសេសនេះហើយដែលលោកតែងគិត ក្នុងនាមជាគ្រូបង្វឹកល្អម្នាក់មិនត្រូវមានការព្រួយបារម្ភនៅពេលដៃគូនាំមុខឡើយ លើសពីនេះត្រូវរិះរកមធ្យោបាយកែខៃចំណុចខ្វះខាតឲ្យមកជាល្អ។
លោកបន្ថែមថា ចំណុចពិសេសមួយគឺត្រូវរកឲ្យឃើញថា មូលហេតុដៃគូអាចទាត់បញ្ចូលទីក្រុមរបស់ខ្លួន ហើយរៀបចំរបៀបលេងថ្មីមួយបំបាត់ចំណុចអវិជ្ជមានទាំងនោះ។ គ្រូល្អម្នាក់ត្រូវស្គាល់សមត្ថភាពក្នុងក្រុមរបស់ខ្លួន ស្គាល់ពីយុទ្ធសាស្ត្របំបែកក្បួនលេងរបស់ដៃគូ និងត្រូវចេះលើកទឹកចិត្តកូនក្រុមឲ្យមានឆន្ទៈចង់ឈ្នះជាដើម។
លោក ទេព ឡុងរចនា ជាគ្រូបង្វឹកកម្រិត A-License ដែលធ្លាប់មានបទពិសោធបង្ហាត់ក្រុមបាល់ទាត់ច្រើនឆ្នាំម្នាក់ ហើយលោកក៏ជាគ្រូបង្ហាត់ក្រុមជម្រើសជាតិកម្ពុជាក្រោមអាយុ១៤ឆ្នាំផងដែរ៕