ដំណឹងរីករាយ! ហុង ផេង នឹងវិលចូលទីលាន ជួយបឹងកេតវិញចុងខែនេះ

2017-05-12 03:26:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារកណ្ដាលឆ្នើមរបស់បឹងកេត ហុង ហេង នឹងអាចត្រឡប់ពីរបួសដាច់សរសៃពួរជើងមកជួយក្រុមវិញនាការប្រកួតលីគកំពូលកម្ពុជាជើងទី២ នៅចុងខែនេះហើយ។

ហុង ផេង (លេខ ២៥ )

បើតាមការបញ្ជាក់របស់លោក បែ មករា អ្នកចាត់ការទូទៅបឹងកេតឲ្យដឹងថា ខ្សែការពារ ហុង ផេង បានជាសះស្បើយវិញហើយ។ ប៉ុន្តែមិនទាន់ ១០០ % លោកមើលឃើញថា ហុង ផេង នឹងអាចមកជួយក្រុមវិញនាចុងខែនេះពោលគឺការប្រកួតជើងទី២ នៃលីគកំពូលកម្ពុជា។

លោកបន្ថែមថា ទោះបានជាពីរបួសវិញមែន ក៏កីឡាកររូបនេះមិនទាន់អាចមានស្ថានភាពកម្លាំងដូចដើមវិញដែរ គឺត្រូវការហ្វឹកហាត់កម្លាំងពីរឬបីសប្ដាហ៍ទៀតទើបអាចប្រសើរឡើងវិញទាំងស្រុងបាន។ ងាកទៅកាន់សំនួរពាក់ព័ន្ធគ្រូបង្វឹកថ្មីលោកបញ្ជាក់ថា ក្លឹបបឹងកេតមិនទាន់កំណត់ថា យកគ្រូបរទេសឬកម្ពុជាឡើយ ហើយពេលវេលាតែងតាំងគ្រូថ្មីក៏មិនទាន់កំណត់បានដូចគ្នាគឺត្រូវរង់ចាំមួយរយៈសិន។

បឹងកេត នឹងប៉ះភ្នំពេញក្រោននាការប្រកួតបើកឆាកជើងទី២ នាថ្ងៃទី២៧ ខែឧសភា វេលាម៉ោង ៦:០០ ល្ងាចនៅពហុកីឡដ្ឋានជាតិ។ ដោយឡែក ហុង ផេង បានរងរបួសដាច់សរសៃពួរជើងកាលពីដើមខែសីហា ឆ្នាំ២០១៦ ។ ខណៈដែលបច្ចុប្បន្នបឹងកេតបានចេញផ្លូវគ្នាជាមួយគ្រូបង្វឹកលោក John McGlynn ដោយលើកលោក សុជាតិ គ្រូជំនួយឡើងកាន់តំណែងបណ្ដោះអាសន្ន៕

អត្ថបទ៖ ស្រី សុវណ្ណដារ៉ា