មានរឿងអីកើតឡើង Super Star រ៉ាំបូ និង ឈិន ឡុង ចាប់ដៃគ្នាវ៉ៃតប់ និងបាញ់ប្រហារ

2017-05-12 07:21:53
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងល្បីខ្លាំងចាស់ៗគឺលោក Jackie Chan និងលោក Sylvester Stallone និងចូលរួមថតរឿងជាមួយគ្នាដែលមានចំណងជើងថា "Ex-Baghdad នេះបើតាមប្រភពពីសារព័ត៌មាន Deadline។

រឿងនេះនឹងត្រូវដឹកនាំដោយលោក Scott Waugh ដែលធ្លាប់ដឹងនាំរឿង 6 Below និងរឿង Need for Speed)។ ដោយចំណាយទុនអស់ ៨០លានដុល្លារ នេះគឺរឿងដ៏ធំមួយក្នុងប្រទេសចិនបើគិតពីតម្លៃទុនផលិត។ រឿង Ex-Baghdad នេះផងដែរនឹងផលិតដោយលោក ឈិន ឡុង ជាមួយនឹងដៃគូរបស់លោក SR Media គឺលោក QI jianhong និងលោក Esmond Ren។ អ្នកដែលសរសេរប៉ារ៉ូល(Screenplay) គឺដោយលោក Arash Amel។

លោក Sylvester Stallone

លោក Jackie Chan

ចំពោះសាច់រឿងនេះវិញគឺនឹងនិយាយអំពី រោងចក្រចម្រាញ់ប្រេងកាតរបស់ចិន ដែលមានទីតាំងនៅទីក្រុង Mosul ប្រទេសអ៊ីរ៉ាក់ត្រូវបានគេវាយប្រហារ។ ដូច្នេះលោក ឈិន ឡុង នឹងសម្ដែងជាតួអង្គទាហានឯកជន ដែលត្រូវគេចាត់ទៅដើម្បីជួយកម្មករដែលនៅរោងចក្រនោះឲ្យចេញមកក្រៅដោយសុវត្ថិភាព។ ក្នុងបេសកកម្ម តួអង្គនេះនឹងដឹងពីបំណងច្បាស់លាស់របស់អ្នកវាយប្រហារ ដែលចង់បានទ្រព្យសម្បត្តិពីប្រេងកាត។ បន្ទាប់មកលោកក៏ជួបនឹងទាហានអាមេរិកដែលសម្ដែងដោយតួរ៉ាំបូ ហើយក៏រួមដៃគ្នាដើម្បីបញ្ឈប់សកម្មភាពរបស់ពួកអ្នកវាយប្រហារទាំងនោះ។

ចំពោះឯកាលបរិច្ឆេទនៃការដាក់បញ្ចាំងវិញគឺមិនទាន់ដឹងទេនៅពេលនេះ៕

ប្រភព៖ Comingsoon ប្រែសម្រួល៖ ធារ៉ូ