សុវត្ថិភាពដែរទេ បើខ្ញុំចង់រួមភេទក្នុងពេលមករដូវ?
- 2017-05-15 10:00:53
- ចំនួនមតិ 0 | ចំនួនចែករំលែក 0
សុវត្ថិភាពដែរទេ បើខ្ញុំចង់រួមភេទក្នុងពេលមករដូវ?
ចន្លោះមិនឃើញ
ការរួមភេទក្នុងពេលដែលស្ត្រីមករដូវប្រហែលជាអាចធ្វើឲ្យអស់អារម្មណ៍បាន។ នេះដោយសារតែ វាបង្កលក្ខណៈប្រឡូកប្រឡាក់ច្រើនដោយសារតែឈាមរដូវ។ ជាមួយគ្នានេះដែរ ការដែលរួមភេទក្នុងពេលមករដូវអាចនឹងជួយការពារមិនឲ្យស្ត្រីមានផ្ទៃពោះបានដែរ។ ប៉ុន្តែវាអាចនឹងបង្កជាបញ្ហាជំងឺឆ្លងផ្សេងៗទៀតទៅវិញទេ។
ការរួមភេទក្នុងពេលមករដូវប្រហែលជាមិនមែនជារឿងដែលមនុស្សភាគច្រើនចូលចិត្តធ្វើនោះទេ។ ខណៈពេលដែលវាបង្កភាពប្រឡូកប្រឡាក់បន្តិចមែន ប៉ុន្តែមិនមានហេតុផលពិតប្រាកដណាមួយដែលត្រូវតមការរួមភេទក្នុងពេលនេះដែរ។
ទោះបីជាយ៉ាងណាក៏ដោយ ការរួមភេទក្នុងពេលមករដូវមានអត្ថប្រយោជន៍របស់វាច្រើន។ ករណីដែលអ្នកមករដូវ នោះចំណង់ផ្លូវភេទនឹងកើនឡើងខ្លាំង ជាពិសេសនៅថ្ងៃទីបីនៃការធ្លាក់ឈាមរដូវតែម្តង។ នេះដោយសារតែបម្រែបម្រួលអ័រម៉ូន រហូតដល់កើនចំណង់ផ្លូវភេទខ្លាំងតែម្តង។
ការរួមភេទនៅពេលនេះ នឹងជួយបង្កើនចំនួនអ័រម៉ូនអុកស៊ីតូស៊ីនក្នុងឈាម ដែលអាចជួយបំបាត់អាការៈបាក់ទឹកចិត្ត និងការឈឺចាប់ផ្សេងៗក្នុងពេលមករដូវបាន។ ការកន្ត្រាក់របស់ស្បូន និងការឈានដល់ចំណុចកំពូលក្នុងពេលរួមភេទ ក៏មានន័យថា រាងកាយអាចបញ្ចេញកំណកឈាម និងជាលិកាឈាមរដូវមកក្រៅលឿនជាងមុន ហើយក៏ជួយឲ្យការធ្លាក់ឈាមរដូវមានរយៈពេលកាន់តែខ្លីជាងមុនទៀត។ យ៉ាងណាមិញ មានរឿងមួយដែលអ្នកគួរចងចាំ នោះគឺការប្រឈមនឹងជំងឺកាមរោគមានលក្ខណៈខ្ពស់ណាស់ក្នុងពេលរួមភេទក្នុងពេលមករដូវ។ មួយវិញទៀត មាត់ស្បូនរបស់ស្ត្រីក៏ចាប់ផ្តើមបើកធំបន្តិចក្នុងពេលមករដូវ ដែលវាជាហេតុនាំឲ្យអ្នកទាំងពីរអាចឆ្លងជំងឺដែលឆ្លងតាមឈាម បានយ៉ាងខ្ពស់ ជាពិសេសជំងឺរលាកថ្លើម ឬជំងឺអេដស៍តែម្តង។
ការប្រុងប្រយ័ត្ននៅពេលព្យាយាមរួមភេទក្នុងពេលមករដូវ
បើសិនជាអ្នកចង់សាកល្បងរួមភេទក្នុងពេលមករដូវ ចូរធ្វើការប្រុងប្រយ័ត្ននូវរឿងមួយចំនួនផងដើម្បីការពារដៃគូ និងខ្លួនឯងកុំឲ្យឆ្លងជំងឺកាមរោគ ជំងឺអេដស៍ ឬការមានផ្ទៃពោះដោយចៃដន្យដូចខាងក្រោមនេះ៖
-ផ្លាស់ប្តូរសម្លីអនាម័យជាញឹកញាប់ដើម្បីបង្ការការកកបាក់តេរី ឬមេរោគក្នុងឈាមរដូវ ជាពិសេសបើសិនជាអ្នកមានគម្រោងរួមភេទមែន។
-ចូរងូតទឹកសម្អាតខ្លួនឲ្យស្អាតសិនមុនពេលចាប់ផ្តើមប្រលូកប្រឡាក់នៅម្តុំខាងក្រោមហ្នឹង
-ប្រើទឹករំអិលឲ្យបានគ្រប់គ្រាន់មុនពេលរួមភេទ និងទៅនោមភ្លាមក្រោយពីរួមភេទរួចដើម្បីបញ្ចេញបាក់តេរីពីក្នុងប្លោកនោមឲ្យអស់
-ចូរអនុវត្តក្បាច់រួមភេទតែមួយគឺ ក្បាច់ម៉ែចែកឲ្យ ដោយខាងប្រុសក្រាបពីលើខាងស្រី ដើម្បីកាត់បន្ថយភាពប្រឡូកប្រឡាក់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
