ក្រុម CSM Girl គ្រោងបញ្ចេញ Original song ឆាប់ៗនេះ

2017-05-19 03:40:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមCSM Gril ដែលប្រជុំទៅដោយស្រីស្អាត់ៗ៤រូប មានកញ្ញា អ៊ឹង និមល កញ្ញា ឌួង ហ្សូរីម៉ា កញ្ញា នៅ សូនីតា និង សោម ស្រីនាថ គ្រោងនឹងបញ្ចេញOriginal song ដំបូងរបស់ខ្លួនក្នុងពេលឆាប់ៗនេះ ដើម្បីវាយលុកទីផ្សារ នេះបើតាមការបង្ហើបប្រាប់ពី កញ្ញា អ៊ឹង និមល។

Original song ក្រុមស្រីស្អាតខាងលើគ្រោងបញ្ចេញនេះ មិនត្រូវបានប្រាប់ចំណងជើងនៅឡើយទេ ប៉ុន្តែ កញ្ញា អ៊ឹង និមល ប្រាប់ថា ជាបទចម្រៀងបែបមនោសញ្ចេតនា ត្រូវនឹងអារម្មណ៍យុវវ័យបច្ចុប្បន្នតែម្ដង។ តារាស្រីរូបនេះបានបន្ថែមថា បទចម្រៀង១បទនោះ ធ្វើឡើងច្រៀងសម្រាប់ក្រុមរបស់ខ្លួនទាំង៤នាក់តែម្ដង បច្ចុប្បន្នបានថតរួចរាល់អស់ហើយ រង់ចាំតែថតរូបធ្វើ Cover តែប៉ុណ្ណោះ។

តាមការលើកឡើងពី កញ្ញា អ៊ឹង និមល យ៉ាងយូរប្រហែលកន្លះខែទៀត បទចម្រៀងនោះ និងចេញហើយ ដោយចេញជា CD ប៉ុណ្ណោះ មិនទាន់ចេញជាMVឡើយ។ ប្រសិនបើមានការគាំទ្រច្រើនក្រុមរបស់ខ្លួននិង ផលិតជាMVថែមទៀត។

កន្លងមក ក្រុម CSM Gril ក៏ដូចជាក្រុម CSM Boy ដែលចេញពីក្រុមបង្ហាញម៉ូដ Cambodia Supermodels ដែលបង្កើតជាច្រើនឆ្នាំមកនេះមិនទាន់មានបទចម្រៀងផ្ទាល់ខ្លួនឡើយ គឺយកតែបទចម្រៀងពីគេមកច្រៀងប៉ុណ្ណោះ។ តាមរយៈOriginal song ដែលគ្រោងចេញនេះ កញ្ញា អ៊ឹង និមល មានសង្ឃឹមយ៉ាងមុតមាំថា និងទទួលបានការគាំទ្រខ្លាំងជាក់ជាមិនខាន។

អត្ថបទ៖ ស៊ុនហួត