មូលហេតុនេះ Jay Chou ត្រូវគេចាត់ទុកជា តារាដែលសស្រាក់សស្រាំនឹងការងារបំផុត

2017-05-23 07:17:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់តាំងពីចូលសិល្បៈដំបូង ក្នុងឆ្នាំ ២០០០មក តារាប្រុសពហុជំនាញតៃវ៉ាន់ Jay Chou ទទួលបានបទពិសោធន៍ជោគជ័យជាច្រើនចេញពីអាជីពមួយនេះរួមទាំងងារជាតារាដែលប្រឹងប្រែងចំពោះការងារផងដែរ។

អាយុ ៣៨ឆ្នាំក៏ពិតមែន ប៉ុន្តែតារាប្រុសរូបនេះហាក់មិនខ្វល់នឹងការចំណាយពេលទំនេរទៅលើរឿងផ្ទាល់ខ្លួនច្រើនទេ។ បើតាមសម្ដីសមាជិកម្នាក់ក្នុងក្រុម "Nan Quan Ma Ma" ឈ្មោះ Devon Song បានលើកឡើងថា Jay Chou ធ្វើការមិនឈប់ដៃទេ។

ជាក់ស្ដែងបន្ទាប់ពី បញ្ចប់ការសម្ដែងចំនួន ២នៅទីក្រុង Nanjing ប្រទេសចិនកាលពីថ្ងៃទី ២០ខែឧសភាកន្លងទៅ តារាប្រុសរូបនេះបានណាត់ជួបជាមួយ Devon ភ្លាមៗ ព្រោះលោកចង់ធ្វើបទថ្មីរួមគ្នាមួយ។

គួររំលឹកផងដែរ មុនពេល Jay Chou ក្លាយខ្លួនជាតារាចម្រៀងក្នុងឆ្នាំ ២០០០ លោកគឺជាអ្នកនិពន្ធបទចម្រៀងឲ្យតារាចម្រៀងជាច្រើនដូចជា Andy Lau, A-Mei និងតារាប្រុសស្រីដទៃទៀត។ ក្រោយឃើញសមត្ថភាពរបស់ Jay ហើយ តារាតៃវ៉ាន់ Jacky Wu ក៏បានផ្ដល់ឱកាសឲ្យលោកចេញអាល់ប៊ុមខ្លួនឯង។ ពេលនោះ Jay ត្រូវសរសរបទចម្រៀងរហូតដល់ទៅ ១០០បទ ក្នុងរយៈពេល ១០ថ្ងៃ។

បើទោះជាលំបាកយ៉ាងណាក៏ដោយ ទីបំផុតលោកនៅតែជម្នះបាន រហូតមកដល់គោលដៅជោគជ័យ ប៉ុន្តែលោកនៅតែប្រឹងប្រែងបន្តទៀត ព្រោះជាការងារដែលលោកស្រលាញ់៕

*ព័ត៌មានពីតារាចិនផ្សេងទៀត

*ជុំវិញតារាអន្តរជាតិ

*កុំកុំ រំពឹងចង់ប៉ះជាមួយ ឈិនឡុង ម្ដងទៀត!

ប្រភព៖ entertainment.toggle ប្រែសម្រួល៖ យី សុធារី