Leonardo Vitorino ជាក្ដីសង្ឃឹមថ្មីរបស់កីឡាករក្មេងៗ

2017-05-24 02:38:34
ចំនួនមតិ 0 | ចំនួនចែករំលែក 0

ចន្លោះមិនឃើញ

Leonardo Vitorino ដែលជាគ្រូថ្មីរបស់ក្រុមបាល់ទាត់ជម្រើសជាតិកម្ពុជា ហាក់ចូលចិត្តកីឡាករវ័យក្មេងច្រើន ដែលកំពុងលេងនៅតាមបណ្ដាក្លឹបបាល់ទាត់នានានៅកម្ពុជា។ សម្រាប់ប្រកួតមិត្តភាពរបស់កម្ពុជាដែលលោកដឹកនាំកន្លងមក លោកជ្រើសរើសកីឡាករក្មេងៗទាំងនោះមកឲ្យចូលលេងជាច្រើន។

លោកគ្រូ Leonardo Vitorino

តាមការលើកឡើងរបស់គ្រូបង្វឹកជម្រើសជាតិរូបនេះតបទៅនឹងប្រិយមិត្តបាល់ទាត់តាមហ្វេសបុកថា «បើយើងគិតពីគុណភាពនាពេលអនាគត យើងគួរដាក់ឲ្យពួកគេលងដើម្បីសន្សំបទពិសោធ» មានតែការប្រកួតធំៗដូចជាមិត្តភាពរវាងប្រទេសនិងប្រទេស មិត្តភាពក្រុមនិងក្រុមឬ Cambodia All Star ដូចនេះទេដែលពួកគេអាចទទួលបានបទពិសោធល្អ ដើម្បីសម្របខ្លួននិងកែច្នៃបទពិសោធទាំងនោះឲ្យខ្លួនគេកាន់តែរីកចម្រើនថែមទៀត។ ហេតុផលទាំងនេះហើយទើបធ្វើឲ្យគ្រូជនជាតិប្រេស៊ីលរូបនេះដាក់កីឡាករក្មេងៗច្រើននៅពេលដែលលោកដឹកនាំក្រុម Cambodia All Star ប្រកួតមិត្តភាពជាមួយក្រុងជើងឯកលីគកំពូលរបស់ប្រទេសថៃ។

បញ្ជីឈ្មោះ Cambodia All Star

លោក Leonardo Vitorino ជាគ្រូជម្រើសជាតិថ្មីរបស់កម្ពុជា ក្រោយលោក Lee Tae Hoon ផុតកុងត្រា។ គ្រូជនជាតិប្រេស៊ីលម្នាក់នេះនឹងត្រូវដឹកនាំក្រុម Cambodia All Star ប្រកួតមិត្តភាពជាមួយក្រុមបាល់ទាត់ Muangthong United(ថៃ) នៅថ្ងៃទី១៦ ខែកក្ដដា ឆ្នាំ២០១៧ នៅកីឡដ្ឋានជាតិចាប់ពីម៉ោង ៦:៣០ នាទីល្ងាចតទៅ៕