ភឹម តារាវិបុល លេចធ្លោខ្លាំងក្រោយពីសម្ដែងជាតួអង្គឈ្មោះ "តាង៉ែន"

2017-05-24 09:15:02
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងជួរមុខរបស់ផលិតកម្មមហាហង្ស ភឹម តារាវិបុល ចាប់ផ្ដើមមានកេរ្តិ៍បោះសំឡេងខ្លាំងបន្ទាប់ពីបង្ហាញវត្តក្នុងខ្សែភាពយន្តភាគរឿង "មរតកបេះដូង" នៅទូរទស្សន៍CTN ។ ក្នុងរឿងនេះលោកសម្ដែងជាតួអង្គឯកឈ្មោះ "តាង៉ែន"។

ភឹម តារាវិបុល បានប្រាប់Sabay ថាក្រោយពីរឿង "មរតកបេះដូង" បញ្ចាំងចប់នៅទូរទស្សន៍ CTN រហូតមកដល់ពេលនេះមានពុកម៉ែបងប្អូនជាច្រើនបានស្គាល់រូបលោកតាមរយៈតួអង្គដែលមានឈ្មោះ " តាង៉ែន" ជាកូនអ្នកស្រែចម្ការដែលមកពីខេត្តបាត់ដំបង មករស់នៅធ្វើការ និងរៀនសូត្រនៅទីក្រុងភ្នំពេញជាមួយលោកយាយ។

“បាទពេលខ្ញុំចុះទៅតាមបណ្ដាខេត្តមួយចំនួន ពុកម៉ែបងប្អូនដែលគាត់បានទស្សនារឿង "មរតកបេះដូង" បានហៅឈ្មោះខ្ញុំថា តាង៉ែន ពួកគាត់បានប្រាប់ខ្ញុំថា គាត់ចូលចិត្តខ្ញុំលេងជាតួអង្គឈ្មោះតាង៉ែន ជាពិសេសពេលខ្ញុំកាច់កុងជាមួយតួស្រី"។ តួឯកប្រុសក្នុងរឿង "មរតកបេះដូង" ថ្លែង។

គួរបញ្ជាក់ថារឿង "មរតកបេះដូង" នេះដែរ ភឹម តារាវិបុល សម្ដែងជាតួឯកប្រុស ជាមួយកញ្ញា ជុំ រចនាពេជ្រ ហៅ បេប៊ី ។ នៅឆ្នាំ២០១៧ នេះលោកជាប់រវល់ជាមួយការថតខ្សែភាពយន្តភាគ និងខ្សែភាពយន្តខ្នាតធំជាច្រើនរឿងស្ទើរតែរកពេលសម្រាកមិនចង់បាន៕

ចុចអាន៖ រឿងទាក់ទង ភឹម តារាវិបុល

ចុចអាន៖ជុំវិញតារាជាតិ

ចុចអាន៖រំភើបទេ! "មន្តស្នេហ៍លេខា" ដល់ពេលបញ្ចាំងមែនទែនហើយ

អត្ថបទ៖ ឆុង ស៊ីណាន