ទ័ពសងសឹកវេស្ទើនបានសម្រេច ខណៈ Tiger ស្មើស្វាយរៀង

2017-05-28 02:13:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបក្រសួងការពារជាតិបានយកឈ្នះលើក្រុមវេស្ទើនភ្នំពេញក្នុងលទ្ធផល ៥-១ ស្របពេលដែលក្រុមស្វាយរៀងវិញ បានត្រឹមតែស្មើក្រុម Cambodian Tiger ២-២ ប៉ុណ្ណោះក្នុងការប្រកួតកាលពីយប់មិញនេះ។

ក្លឹបក្រសួងការពារជាតិបានបរាជ័យក្នុងដីខ្លួនឯងកាលពីជើងទី១ ក្រោមថ្វីជើងវេស្ទើន ៣-២ ប៉ុន្តែជើងទីយប់មិញ ពួកគេធ្វើបានល្អមែនទែន ដោយអាចទម្លាយសំណាញ់ទីក្រុមវេស្ទើនបានវិញដល់ទៅ៥គ្រាប់ឯណោះ។ ចំណែកឯក្រុមស្វាយរៀងវិញ នៅតែមិនអាចធ្វើអ្វីក្រុម Cam-Tiger បានដដែល បើទោះជាពួកគេមានឱកាសច្រើន តែនៅមិនអាចទទួលបាន៣ពិន្ទុដដែល ដោយចប់ការប្រកួតស្មើគ្នា ២-២។

បើតាមលទ្ធផលយប់មិញនេះ ត្បិតតែស្មើ Tiger មែន ប៉ុន្តែស្វាយរៀងនៅតែរក្សាចំណាត់ថ្នាក់លេខ១ដដែល ព្រោះមាន២៥ពិន្ទុ លើសក្រុមលេខ២ ក្រសួងការពារជាតិ ដែលមានត្រឹមតែ២៤ពិន្ទុ៕

អត្ថបទ៖ មុន្នីរម្យ